CCXXII. Johann, Sohn Arnolds Herrn von der Vels, gelobt, da/s die Güter, welche seine Gemahlin Kunegunde vom seligen Johann Spys Vogt von Hunolstein, Heim zu Neumagen, geerbt hat, an Johann Vogt von Hunolstein, Herrn zu Neumagen, zurückfallen sollen, wenn seine Gemahlin kinderlos stirbt. 1340 October 26. Ich Johan, Heim Arnoldis des Herren Son von der Vels, dun kunt allen luden, daz ich mich kein des gudis, daz frowen Kunegunde miner elichin hus- frowen von Hern Johan Spys seligen, loilne vogit von Hunoldistein Herren zu Numagin, an geuallen ist, vnd von Süne wegin zu ir vnd mir in iren wegen komen ist, nach irem dode, ob sy ane geburte von irem liebe virschyde, nicht annemen noch vndirwinden sal noch enmag, vnd ensal ich mich darwider nit behelfen noch mit geistlichen noch mit werntlichem gerichte in keinerhande wys, wan daz selbe gut sal wider vallen an Johan vogit von Hunoldistein Herren zu Numagin als iz dar vor begriffen ist, vzgescheydin allerleye argelist. Vnd des zu eyme orkunde han ich min Ingesigel an disem brif dun henken vnd han gebedin vnd biden an disem briue Herrn Johan von der Vels den Älden vnd Herrn Ensfrid von Gudenberg, ritter, daz 'sy ire Ingesigele an disem brif ouch wellen henkin zu eyme gezugnizze allir diser vorgeschriben stücke. Vnd wir Johan von der V els vnd Ensfrid von Gudinberg vorgen. bekennen, daz wir durch bede willen Johans, Herrn Arnoldis des Herren Son von der Vels, vorgen. vnsere Ingesigele an disem brif han gehangen, der gegebin ist do man zalte nach cristus geburte drutzenhundert Jar vnd darnach in dem vierzigstem Jare des Donrsdagis alre nehest voir sente Symons vnd sente Judas dage der heyligin Aposteln. Orig. mit 3 Siegeln im fiirstl. Wittgenst. Arch. zu Berleburg.