CCLVII. Emich Graf zu Leiningen verspricht dem edlen Mann Gerhard Vogt zu Hunol stein 300 Schild gulden, wofür derselbe sein Vasall wird. 1347 December 3. Wiï Emiche Greue zu Lyningen dun kunt allen den dy dysen bryf ane- sehent oder horent lesen, daz wir han zu manne gewunnen den Edlen man Herrn Gerhart fauthen zu Hunoltstein vmb rechte lybe vnd fruntschaft, dy wir zu iem han, vnd vmb genemen dinst, den er vns getan hat vnd noch dun mag; vnd dar vmb gelobin wir vor vns vnd vnser erben iem vnd sinen erben zu gebene dru hundert schiltgulten genger vnd geber werungen oder anders also vil guter werungen als sich vor dru hundert schiltgulten danne geboret, hi twschen vnd sente martins tage, der nehest kommet. Endeden wir des nit, so sollen wir iem hi twschen bewiset han affe vnserm gute drutzig schiltgulten geltes oder ander werungen also vil als sich dar vor danne geboret, do sie veste vnd wol ligent, dy wir vnser erben oder vnser amptlüde, dy zu der zyt sint, alle iar offe sente martinstag iem vnd sinen erben sollent reichen vnd geben, alle dy wile daz wir oder vnser erben ien oder sine erben der vorgen. summe geltes nit han geweret. Des zu eyme rechtin orkunde so han wir vnser eygin ingesigel an dysen bryf gehangen, der geben ist do man zalte von gots geburthe drutzehenhundert iar in dem syben vnd fierzegestin Jare offe den Montag nach sante Andreas tage des heyligen Aposteln. Orig. mit Siegel im fürstl. Wittgenst. Arch. zu Berleburg.