CCLXXII. Margreth Frau zu Dune und Johann Rheingraf vom Stein und Herr zu Dune überlassen dem Nicolaus von Hunolstein für geleistete Dienste das Dorf Reysigers- hurg auf Lebenszeit. 1351 November 11. Wir Margreite orauwe zo Duna vnd ich Johan Ringreue von me steyne, Here zu Duna dun kunt allen den ginen die dysen brief seint oder hurent leisen, daz wir bit gemeynder hand vnd vmb dez deinst willen, den vns Niklaiz von Hoynoltstein hait gedain, yme geuen vnd reigen vnser dorp zo reysigersburg, we it geleigen ist bit alme rechte, gesucht vnd vngesucht, syn leyfedachge vnd auch vmb dez dienst willen den er vns noch dun sal, mit alsulchen vurworden, welge zyt daz der vorgen. Niklaiz neit mer ist, das dat vorgen. dorp an vns vnd an die heirschaf von Duna los vnd ledich wider vallen sal bit alle dem rechte daz wir yme gauen, vnd herkennen vns dis bit gemeinder hant vffentlich in dysme breife, alle argelist vsgenomen. Vnd zo Einre stedichgeit aller der vurgeschr. stücke, so han wir Margreite vrauwe zo duna vnd ich Johan Ringreue Here zo duna vurgen. vnse ingesigele an dysen breif gehangen gemeineclich. Datum anno domini Millesimo CCC quinquagesimo primo ipso die beati Martini confessons. Orig. mit 2 Siegeln im fürstl. Wittgenst. Arch. zu Berleburg.