CCLXXVII. Vertrag des Grafen Johann von Spanheim mit Baldeirin Erzbischof von Trier bezüglich der Hilfe, die der Erzbischof den beiden Grafen von Spanheim und Salm leisten soll, wenn sie in Krieg kommen mit Gerhard Vogt von Hunolstein. * 1353 Januar 7. w ir Johann grave zu Spanheim bekennen an dysem brieue, daz der er- wirdige vnser Herre, Her Baldewin Ertzbischofe zu Triere vnd wir eintrechtig vberkomen sint, also von ersten, were ez daz der edel Man Her Gerhart Vogt zu Hunoltsteyn vor vnserm neuen greue Johan von Salmen vns vnd demselben vnsern neuen rechtes vsgienge kuntlich von den Sachen, die wir mit yme zu schaffen hant. als von der vesten Hunoltsteyn. vnd vns vnd vnserm vorgen. neuen von Salmen vor dem selben vnsern neuen nit tete, was sin Manne mit rechtem Vrteile dar vber vor ein rechte wysent. so sal vns vnser Herre von Triere wyder den vorgen. Hern Gerharten den Vogt in dysen sachen helfen als hernach ist beschriben. Das ist zu wissen. ee vnser Herre von Triere in vnser helffe wyder den Voyt an dysen Sachen komme, so sullen wir vnd vnser egen. neue von Salmen dez vorgen. Yoyts vyent werden vnd sullen y ne mit Raube vnd mit brande vierzehen Nacht vor angriffen. darna sullen wir vnsern egen. Herrn von Triere binnen echte dagen manen mit vnsern vffenen brieuen vnd hangenden insigeln, daz er vns wyder den Voyt von Hunoltsteyn helffe. Darna binnen echte dagen sal vns vnser Herre von Triere vff sine verluste wyder den vorgen. Voyt zu helfe senden zwentzich guter lude gewabent, wol geritten vnd erzuget, den luden vnd iren pferden koste vnd was sie bedorffent wir geben sullen. darumb vns vnser Herre von Triere geben sal iecliches mandes. sobalde dy zwentzich in vnser helffe kommen. zwelf Omen wins, zwelf malder kornes, alles Trierischer mafse. vnd dar zu zwentzich phunt penninge Trierischen pagaments. Vnd were iz, daz wir Hunoltsteyn besezzen vnd man vns kuntlich abetrieben wolte vnd daz huse entsetzen. so sal vnser Herre von Triere vns beschuden mit siner macht. so er beste kau. ane argelist. Were iz aber, daz vnser Herre von Triere zu velde lege vnd krieg hette binnen der zyt, daz wir dez Voyts vient weren. so sal er vns die zwentzich manne nyt schuldig sin zu senden noch sie vns zu lassen vnd sal vns doch zu allen manden geben Win, korn vnd geld vnd vns beschuden als vor geschrieben steet. Were iz aber, daz vnser Herre von Triere 223 des Voyts vient wurde vmb dyser sachen willen, so sal er vns die zwentzich Manne nyt schuldig sin zu senden noch zu lassen, noch schuldig sin den wyn, daz korn noch daz gelt zu den manden zu reichen. Weliche zyt auch wir frie den , gedult oder süne mit dem Voyte oder sinen helfern hetten, so sal vns vnser Herre von Triere keynen wyne, korn noch gelt geben. Auch sullen wir mit dem Voyte, wan wir mit yme in raub vnd in brant kommen vnd mit sinen hel fern, keyne süne, friede noch gedult nyt nemen ane vnsern Herren von Triere. Auch han wir vff vnsern Herren von Triere vnd sinen Stifft luterlich vertzigen vnd vertzihen an dysem brieue vff dy ansprache, dy wir zu yn hatten, vmb daz wir vnsers egen. herren rait sworen, vnd von den sachen, daz vnser herre von Triere vmb vns vnser dorff Wynningen sulde han gekaufft vnd vff alle kosten, schaden vnd verluste, dy wir vnd dy vnsern von yren wegen gehabet han von dez crieges wegen von Muncler vnd von sines amptes wegen bis vff dysen hutigen dag. Vnd were iz daz keyne zweiunge, tzwüssen vns von der helfen von Hunolt- steyn vnd den stücken egen. Verstunden, so sal vnser Herre von Triere eynerf raitman, wen er wyl, er sy pfaffe oder leye, vnd wir auch eynen raitman, wen wir wullen, er sy auch pfaffe oder leye, vnd als dicke sich daz geboret, kysen von dysen stücken u. s. w. Der gegeben ist do man zalte na gotes geburte drutzehenhundert jar vnd darna in dem zwei vnd fünfftzigestem jare, dez siben- den dages dez mandes der zu latine Januarius ist genannt. Orig. perg., durch Feuchtigkeit so beschädigt, dafs manche Stellen unleserlich sind, im Pr. Arch. zu Coblenz. Eine Copie davon im Spanhcimer Copialb. Nro. IV, S. 745 — 752 im grofsherzogl. General - Landesarchiv zu Carlsruhe. CCLXXVIU. Roemund von Saarbrücken, Archidiakon, und Godefrid von Brandenberg, Chorbischof zu Trier, geben sub sigillo curiae Treverensis Abschrift von 5 auf die Veste und Herrschaft Hunolstein bezügliche Urkunden, welche sie am 12. Nov. 1351 im Original gesehen halien. Dat. 1353 sabb. p. Quasimodog. (6. April). Vidimus im Pr. Archiv zu Coblenz, enthaltend die Urkk. Nro. LXIV, LXVI, LXXVI1L, CXXII und CXXXVII. 224