€€LXX. Gerhaгd Vogt und Herr zu Hunolstein gelobt, in seinem Prozesse gegen die Grafen von Salm und Spanheim sich nur der einzigen von Boemund von Saarbrücken und Gottfried von Brandenburg vidimirten Urkunde zu bedienen. 1351 November 10. Wir Gerhard voit vnd herre zu Hvnoltzstein dun kunt allen luden, die diesen brief sient oder horent lesen, daz wir des dunrestages vff sante Martins 28 218 abent do man zalte die Jare vnsres herren gotdes dusent druhunderi vnd ein vnd fünfig Jare liessen gesien die Erbern, wisen lute herrn Gerhard herr n zu Warnesberg, Herrn Ysenbart Herrn zu Royldingen, Herrn Volker von Starken berg, ritter, vnd Heinrich Mvil von der Nuwenborg, kiiecht, einen brief 1, den wir han vnd des eine abeschrief besiegelt hant die Erbern lute Herr Beymond von Sarbrücken vnd Herr Godefrid von Brandenberg, koyrbischoue in dem Stiefte zu Triere. vnd gelobin wir in guten truwen an Eydes stat, daz wir vns mit keynen andern briefen nit behelfen sollen. vnd ob wir einicherhande ander briefe hetten. die ensollen nit dogin noch maht haben. vzgescheiden alle argelist. Des zu Orkunde so han wir vnser Ingesiegel an diesen brief gehangen vnd zu merer sicherheit, so han wir gebeden Nyclais vnsern bruder, daz er sin Ingesiegel by daz vnser an diesen brief wolle hencken, des ich Nyclais vorgen. mich bekennen von bede willen mins bruder Gerhardes vorgen. so han ich min Ingesiegel by daz sine an diesen brief gehangin. der gegeben wart des dages in dem Jare als do vor geschrieben ist. Orig. perg. zu Paris Bibl. Impér. Collect. de Lorraine Tom. 87 H. fol. 42. — *) Der Lehnbrief vom 1. Juli 1297.