CCCXLI. Johann Vogt zu Hunolstein, Herr zu Neumagen, belehnt den Reyner, Sohn des Burggrafen Reyner zu Bernkastel, mit seiner Vogtei in dem Oberland um Baldmau herum. 1370 September 29. Ich Johann Vayt zu Hunoltzstein, Herre zu Numagen, dun kont allen Luden vnd bekennen uffenclich an dysmen genwertien brieue, dat wir vmb sulchen ge- truwen, genemen dienst, als der bescheiden vnser lieber getruwe Reyner von Berrenkastel, Sun Reyners Burggreue daselb zu Berrenkastel, vns vnd den vnsern dicke dain hait vnd noch dun sal. denselben Reyner vnd sine erben vns vnd vnsern erben zu manne gewonnen han. Darumb han wir vor vns vnd alle vnsere erben Reynern vurgenannt vnd sinen erben Seunen vnd deuchtern gegeben vnd geuen zu rechtem manleen vnsre voidige, recht vnd gericht, ho vnd dieff, ersoit vnd• unhersoit, gelegen in dem Oberland vmb Baldenawen, so wat wir in dem selben Oberland hain vnd nit vort. vnd sal Reyner vurgen. vnd sine erben, seune vnd deuchtere, oder ander sine nest erben die vurgen. gut, recht vnd ge richt von vns vnd vnsern nachkommenden erben besitzen, hain vnd halten ym 273 merme vnd intfain mit heulden, eyden vnd diensten, als seulchen manleens recht end gewainheit ist. alle argelist, vurzuch und geuerde gentzlich vzgescheiden in diesem brieue. Des zu vrkond vnd merer stedicheid han wir Johan Vayt zu Hunoltzstein vnd Herre zu Numagen vurgen. vnser Ingesigel an diesen brief gehenket zu eyme gantzme gezuch aller dieser vur vnd nabeschriebenre sachen. Datum anno domini Millesimo trecentesimo septuagesimo ipsa die b. Michaelis archangeli. Orig. perg. im Pr. Arch. zu Coblenz.