CCCVI. Erzbischof Cuno von Trier beurkundet die Sühne des Grafen von Saarbrücken mit Gerhard Vogt und Herrn zu Hunolstein und seinem Bruder Nicolaus. 1362 September 28. Wir Cune von Gots Genaden Bischof erwelt zu Erzbischof zu Trire, des heil. Rom. Riehs durch welsche Land Ertzkantzeler dun kunt allen luden, das die edeln vnser lieber Neue Johann Greue von Sarbrucken vff eine Sythe vnd Gerhard Voyt Herre zu Hunoltstein vnd Niclais sin Bruder vff die ander Sythe, vnsre lieben getruwen, aller Missehelle, Zweyunge, Uffleuffe vnd Criege, die bifs vff diesen hutigen tag gewest sind zwüschen yn vnd den iren, die yn zu verant worten stent, vff beiden Sythen an vns sint verliben vnd vns hant moge geben, das wir sie davon sönen vnd slechten; des hain wir sie gütlich, gentzlich vnd luterlieh mit einander gesünet vnd geracht von allen Namen, Angriffen, Schaden, Verlusten vnd gemeinlich vnd besunder von allen Zweyungen vnd Sachen, die sich zwüschen yn bifs an diesen heutigen Tag hant erlauffen, wie man die ge nennen mochte, also das sy daruff von beyden Sythen zu stunt zu male vertziegen haint, also das ire keynre umbe einiche die Stücke die bifsher zwüschen en ge sehen sin, deme andern nümmer mee sal zu sprechen noch Vorderung darumb an den andern dun noch yman anders in iren wegen, ufsgescheiden alle Argelist vnd Geuerde. By dieser Sönen, die wir sy beredten, waren gegenwortig die edlen und ersamen Johann Graue zu Spanheim, vnser liebir Neue, Johann von Falkenstein, vnser liebir Bruder, Beinbold von Sarbrücken, Herre zu Hesebach, Heinrich Beyer van Bopardt, Bitter, vnd Heinrich Mul von der Nuwer Borg, ein wapner, vnd andir vil gudir Lude. Des zu Orkunde hain wir vnser Inge siegel an diesen Brieff dun henken, der gegeben ist zu Trire nach Christus ge- burte drutzenhondert Jar darnach in dem LXII jare an sente Michels Abent. Gedr. Kremer: Gesch. des ardenn. Geschl. II, 499.