CCCXLVI. Johann Vogt von Hunolstein, Herr zu Neumagen, verzeichnet die Schulden und Legate, welche seine Neffen, die Brüder Gerhard und Nicolaus Vögte von Hunol stein nach seinem Tode bezahlen sollen. 1371 April 14. Ich Johan Voit von Hunoltstein Herre zu Numagen. wand ich erkenne nit sichers denn doid vnd vnsichers nit denn stunde des doides. so han ich mit be 35* 276 sonnem vnd vorbedachtem mute Herrn Gerhart Voit Herrn zu Hunoltstein vnd Nyclais, gebrüder, minen Neuen•, befohlen vnd befehlen in guten truwen min schult testament vnd saze, ich hie in disem brieff begriffen han, vber die saze, die ich gedan han in den briefen, die min vorgen. Neuen von Hunoltstein von mir besigelt han, Thilman von Heyntzinberg minem Neuen genzlich zu betzallen vnd zu vollführen gemein vnd besonder miner selen heil zu bestellen. Zum Ersten bin ich schuldig JReyner burgreuen zu Berencastel fünf vnd zwentzig gulden. auch was ich yme schuldig sefszehen gulden und vier malter Korens. da von mich Reyner sin son quiten sal, wand ich hyem darumb als gleiche vnd als lieb gedan han. on was ich dem vorgen. Reyner burgreuen schuldig verlieft0 zehen pont, die ich von sime geheize lang betzalt einem kelner von Wittlich zu ziten. Vortme were ich iemandes icht schuldig, dat man kuntlich bewisen kunt, dat sullen mine vorgeschr. Neuen richten. Vort ist zu wissen, dat ich seze. Brstlich zu sent Catharinen Capellen enbüzen Numagen gelegen. Ein halb Ame wyns vs Jeckelsgeheus, dat Matthias Schamern Son inhat zu Numagen gelegen. So wer dat geheus inhat, daz der den zins richte zu ziten vngehindert. Vnd setzen ouch zehen schilling penninge erflich vs der Meybeden zu Numagen zu mime Jargezit in der parren daselbs zu Numagen jarlich zu dun, weliche vurgen. zehen schillinge vnd ouch wynzins ich sonderlich begriffen han in eime brieff, den ich dar vber versigilt han geben der kirchen zu Numagen vnd der capellen vorgen. handhabern. Ouch saze ich ieglichem der vier arch .... fünf pont. Herrn Conrait dechan pastor zu Emmelde druzehengulden, der bruderschafft zu Berencastel min zelterpfert, Cläsgen mime diener zwentzig pont, Hennekin zwentzig pont, Peter zehen pont, Cläsgen dem kind fünf pont, dem andern mines gesindes icklichem fünf pont, Cläsgen in der küchen viertzig schilling. Item Mutzarts wib ein malter korns. Darzu sullen mine vurgen. Neuen von Hunoltstein richten mim gesind, was inen gebricht von iren kleidern vnd lone. dat sie dat bewisen können. vnd dar vber miner selen heil dun, als ich an sie getruwen vnd sie des antworte geben mügen vor got. Dise vurgen. saze mit andern hievor be griffen sachen, han ich Johan vurgen. geordnet zu vollfüren nach mime besten sinnen, die doch ändern mach, allen minen willen, als lang ich in gutem sinne vnd in leiben bin, also wie nun mir dat got verhengt zu dune. Des zu vrkunde vnd gezuge han ich vurgen. Johan min sigil an disen brieff gehangen vnd darzu gebeden den bescheiden man Herrn Conrait dechan der Christenheit von Pisport, pastor zu Emmelde, das er sin sigil bi dat mine ouch an disen brieff henken wille zu vrkunde vnd gezuge aller der vurgeschrieben sachen. dat ich Conrait 277 dechan pastor vurgen. von beden Junchern Johannis vurgen. an disen brieff han gehangen in alle der wisen als vorbegriffen ist. Datum anno domini Millesimo trecentesimo septuagesimo primo quarta decima die mensis Aprilis. Orig. perg. im fiirstl. Wittgenst. Arch. zu Berleburg.