CCLXXVI. Vertrag zwischen Gerhard Vogt und Herrn zu Hunolstein und Baldewin Erzbischof von Trier bezüglich des bevorstehenden Krieges zwischen Gerhard und den beiden Grafen von Spanheim und von Salm. 1352 Mai 29. Ich Gerhart Voit Herre zu Hunoltstein. dun kunt allen luden. daz ich mit deme Erwidrigen myme Herren hern Baldewine Ertzebischoue zu Trire vberkomen bin also. were iz daz die edeln lude Grem Johan von Spanheim vnd min herre der Greue von Salmen mit rechte vor deme selben myme herren von Salmen vnd sinen mannen vfsdrügen, daz ich yn rechtes vfsgienge. als von der vesten Hunoltstein vnd waz dar zu gehoret. daz von myme herren von Salmen zu lehen rüret. so mag dan yn der egenante myn herre von Trire helpen mit zwentzich mannen gewapent. vnd dar zu were iz daz dy egenanten Greuen Hunoltstein besessen vnd ich sy kuntlichen abedriben wulde. so mag sich auch myn egenanter herre von Trire werben vnd yn helpen vff dy zyt als ich sy. abedriben wulde. 221 daz ich dy Greuen von deme huse nit entsetzte. anders sal er yn keyne helfe dun. dan mit zwentzich mannen als vorgeschriben steet. vnd vmb dy helfe sullen ich vnd dy myne von dieses crieges willen mynen egenanten herren von Trire, sinen stifft noch sine vndertanen nit schedigen noch angryfen. Wulde aber der egen. Greue von Spanheim oder der Greue von Salmen gemeynliche oder besun- der dy vorgen. vesten Hunoltstein burgliche verbuwen. daz sal mir min egen. herre von Trire helpen weren. iz enwere dan daz dy selben Greuen mynen herren von Trire wol sieher mechten. als syne fründ vnd mich duchte daz ge- nung were. daz er den bu abedede so balde daz besel's dez huses Hunoltstein. daz sy da vore zu velde als gewonlich ist vesten zu besitzene deden. vergienge. wo auch dy vorgen. (îreuen gemeynliche oder besunder mynes vorgen. herren von Trire viende wurden von eynichen sachen der vorgeschrieben stücke. so sal ich vnd dy myne yme getruwelichen helpen vnd er ane mich vnd ich ane yn sullen vns nyt sünen, fryden noch eynige gedult nemen von der vientschaft wegen. vnd des zu vrkunde han ich myn Ingesiegel an dysen brieff gehangen vnd han gebeden vnd bieden an dyseme brieue myne mage Arnoldin probist von Blankinheim, Herrn Gerharten Herren zu Schonecken vnd Nyclaseu von Hunolt stein mynen bruder, daz sy zu vrkunde dyser vorgen. stücke yre ingesigele zu deme myme an dysen brieff Wullen henken. vnd wir Arnold, Gerhart vnd Nyclas vorgen. bekennen vffenliche an dyseme brieue, daz wir durch bede willen dez vorgen. Hern Gerhartes des Vodes vnsere ingesiegele zu deme syne zu vrkunde aller dyser egen. stücke an dysen brieff han" gehangen. der gegeben ist do man zalte nach gots geburte drutzehenhundert jar vnd in deme zwei vnd fünfftzige- steme jare dez dinsdages na Pingesdage. Orig. perg. im Pr. Arch. zu Coblcnz. 222