CCCXXVII. Revers Johanns Vogt zu Hunolstein, da/s er vom Grafen Johann von Spanheim zu Lehen trägt die Dörfer Tüschel und Nuwilre., den Zehent zu Lockwilre, das halbe Dorf Rissentale, den halben Hof zu Bernkastel und als Burglehen zu Grevenburg 15 Gulden Jahresrente. 1368 März 28. Ich Johann Vogt zu Hunolstein tun kunt allen luden ind erkennen vffent- lichen an diesem brieff. daz alsolich güter ind gülde herna gescrifent ich ind myne lehenserben zu rechtem mannlehen halten sullen ind halten zu dem edelen myme lieben genedigen Herren Greue Johann zu Spanheim ind synen erben. zu wissen das dorf zu Tüschel bit allem syme rechte ind das darzu gehorig ist. anderwerbe das dorf Nuwilre. anderwerbe den zehenten zu Lockwilre. ander werbe das dorf halb zu Rissentale. anderwerbe mynen Hof halb zu Bernkastel, der do heisset in dem Sale. Auch ist zu wissende, daz ich von myme obgen. Herren zu burglehen halte ind han jarlich fiinffzehen gulden gelts. das burg- lehen zu Grevenburg ist. ind sal ich nach vier jaren vergangen nähest na da rum dits briefs ein Hu se zu Traurebach buwen. wann mich myn vurgen. Herre oder syn erben manent. ind sal ich hundert gulden verbuwen. des sal mir myn Herre vurgen. oder syne erben. fünffzig gulden zu helfe ind zu sture geben. ind holtz zu dem Huse. vsgescheiden alle argelist ind geverde. des zu vrkund han ich myn ingesigil an diesen brief gehangen ind zu merer stedikeit ind sicher heit so han ich gebeten ind bieden mynen lieben Oehmen Herrn Dielman vom Steine. daz er sin ingesigil by das myne an diesen brief welle hencken. mich zu bezugen ind zu besagen aller dieser vurgen. sachen. Vnd ich Dielman vom Steine vurgen. bekenne. daz ich vm bede willen des vurgemelten Johanns myns neven myn ingesigil by das syne an diesen brief han gehangen in vrkunde ind gezugenisse aller dieser vurgeschrieben dinge. Geben do man zalte na Cristus 263 geburde drutzenhundert echt und seszig jare des dinstages na dem suntage do man singt in der hylgen kirchen Judica. Orig. im Pr. Arch. zu Coblenz. Der Original-Lehenbrief im Hausarchiv. — Ueber diese Lehen vergl. Nro. CLXXIX und CCLXII.