CCXXXIX. Clais von Schwarzenberg sühnt sich mit den Brüdern Gerhard, Friedrich und Nicolaus Vögten und Herren zu Hunolstein. 1343 (1344) Januar 5. Ich Clais von swartzenberg, genant vnfriede, eyn edel knet, dun kunt allen luden, dy disen brief sehent oder horent lesen, dat ich vnd dy mine bid den edeln luden Hern Gerhard vnd Friderich voide Herren zv Hunoltzsteyn vnd Nyclaise, gebrüder, vnd den yren gütlichen sin gesünet von allen stücken vnd viantschaff, dy wir myt eynander zu schaffin hattin biz an disen hudigen dage, vnd sal dy svne stede sin also dat ich vnd dy mine wider dy edel lude vorgen. Hern Gerhard, Friderich vnd Niclais gebrüder vnd dye yre, noch sy vnd dye yre wider mich vnd dy mine keynre hande viantschaff noch keynre hande stücke zu don han noch don sullen bynnen disen nehesten zwenzich Jaren, dy nehest kommen solent na deme dat diser brif gegefin wart. Alle argelist vzgenommen. Vnd dat dit veste vnd stede sy, so han ich Clais min Ingesigel an disen brief gehangen zu vrkunde vnd han gebieden den Edeln man Hern Gylis Hern zu Dune vnd minen veder Hern Betram Genge disen brief bid mir zu besigeln. Vnd wir Gylis Her zu Dune vnd Bertram Genge, Ritter, bekennen dat wir vnsere Ingesigele an disen brief han gehangen, vmbe bede willen des vorgen. Claises 195 von Swartzenberg zu vrkunde aller diser stücke. Datum a. d. M.CCC.XLIII. in vigilia epiphanie domini nostri. Orig. mit 3 Siegel im fürstl. Wittgenst. Arch. zu Berleburg. — Der Edelknecht Clais von Zwartzinberg verpfändet dem Ritter Reinher von Bernkastel seine Güter und Renten zu Hoinscheid, Effginhusin und Obercleinge. Dat. 1372 sine die. (Orig. im Hausarchiv).