Oliverius Sabinensis, Jeronimus Penestrinensis episcopi, Paulus tituli sancti Sixti, Johannes tituli sanctae Sabinae, Johannes tituli sanctae Priscae presbiteri, Franciscus sancti Eustachii, Johannes sanctae Mariae in Aquiro, Johannes sanctae Mariae in Domnica diaconi, miseratione divina sancte Romane ecclesie cardinales universis et singulis Christifidelibus praesentes litteras inspecturis salutem in domino sempiternam. Quanto frequentibus fidelium mentes ad opera devotionis indicamus tanto salubris animarum suarum saluti providemus. Cupientes igitur parrochialis ecclesiae sancti Andreae plebania nuncupata in Hegen Albensis Transilvanenis diocesis, ad quam sicut accepimus dilectus nobis in Christo Mathias ipsius ecclesiae plebanus, singularem gerit devotionis affectum congruis frequentetur honoribus et a Christi fidelibus iugiter ueneretur ac in suis structuris et [aedi]ficiis debite reparetur, conservetur et manuteneatur necnon libris, calicibus, luminaribus, ornamentis ecclesiasticis et rebus aliis divino cultui necessariis [decenter mu]niatur utque Christi fideles ipsi eo libentius [devotionis causa] ad eandem ecclesiam confluent et ad reparationem conservationem manutentionem et munitionem hu[iu]smodi manus promptius porrigant adiutrices, quo ex hoc ibidem dono celestis gratiae uberius conspexerint se refectos. Nos cardinales praefati videlicet quilibet nostrum supplicationibus praefati Mathiae super hoc nobis humiliter porrectis inclinati de omnipotentis dei misericordia ac beatorum Petri [et] Pauli apostolorum eius auctoritate confisi omnibus et singulis Christifidelibus utriusque sexus vere penitentibus et confessis, qui dictam parrochiam ecclesiam plebaniam nuncupatam in nativitatis domini nostris Iesu Christi et resurrectionis eiusdem nec[no]n assumptionis beate Mariae ac sancti Andreae apostoli ipsiusque ecclesiae dedicationis festivitatibus et diebus a primis vesper[is u] sque ad secundas vesperas inclusive devote visitaverint annuatim et ad praemissa manus porrexerint adiutrices pro singulis festivitatibus et diebus praedictis quibus [ ] fecerint, centum dies de iniunctis eis penitentiis misericorditer in domino relaxamus. Praesentibus perpetuis futuris temporibus duraturis. [In q]uorum omnium et singulorum fidem praemissorum litteras nostras huiusmodi fieri nostrorumque sigillorum fecimus appensione muniri. Datum Romae in domibus nostris sub anno a nativitate domini [millesimo quadrigente]simo2) nonagesimo septimo, die vero sexta decima mensis Martii, pontificatus sanctissimi in Christo patris et domini nostri domini Alexandri divina providentia pape sexti anno quinto. (nach Urkundenbuch)