LXXI.

1399. Jan. 14.

Xn Nomine Domini Amen. Anno a Nativitate eiusdem Millesimo Trecentesimo Nonagesimo- nono Indicione »optima, xiiii die mensis Januarii, hora quasi nona, Sanctissimi in Cristo piitris et domini nostri domini Bonifacii pape noni anno decimo, Instuba Conventuali Mona sterii Sanctimonialium Czarnowans alias Domusdei Wrat. dyoc. In mei Notarii publici et testium subscriptorum presencia, Constitut. Honorab. et Relig. dominus Nicolaus prepositus. Agnes priorissa, Bronislawa subpriorissa, Agnes Circatrix, Anna Cantrix, Eufemia succentrix, Phylomena, necnon et totus Conventus dicti Monasterii Czarnowans, Iure modo et forma quibus melius potuerunt, fecerunt constituerunt ac eciam ordinaverunt Scientificum virum Magistrum Nicolaum Sweydnicz Advöcatum Consistorii Wratislauiensis, absentem tamquam presentem, ipsorum verum legittimum et indubitatum procuratorem actorem factorem et defensorem, negociorum ipsorum gestorem et nunccium specialem, Revocantes omnes alios et singulos eorum procuratores alias per ipsos Wrat. constitutos, ad agendum et defendendum nomine et vice suis In omuibus et singulis causis litibus questionibus et controversiis ac negociis eorum, tam ecclesiasticis quam prophanis, motis et movendis ab eis contra quas- cumque personas ecclesiasticas regulares seu seculares cuiuscumque status gradus ordinis seu condicionis existant, vel ab eisdem contra ipsos In quacumque Curia ecclesiastica vel mundana Et coram quibuscumque Judicibus Auditoribus vel commissariis ordinariis vel extraordinariis delegatis vel subdelegatis seu locateneutibus quacumque fungentibus potestate, Conveniendi et reconveniendi libellum seu libellos et quascumque peticiones dandi et reci- piendi, verbotenus et in scriptis, et ad prestandum quodlibet Iuramentum in animam ipsorum quod postulat ordo Iuris, Insuper ad faciendum et exigendum omuem actum iudiciorum sive mandatum exigant speciale sive non, et ad petendum restitucionem in integrum et beneficium absolucionis simpliciter et ad cautelam, et ad opponendum crimiua et defectus, Sentenciam et sentencias audiendi Et ab eis appellandi, Apostolos cum instancia petendi et obtinendi, Appellacionem prosequendi et intimandi impetrandi et contradicendi, Et omnia alia et sin- gula dicendi, procurandi et faciendi, que merita cause et causarum exigunt et requirunt, eciam si mandatum speciale exigatur in premissis Et circa illa dantes dicto ipsorum procura- tori plenam potestaten et speciale et generale mandatum cum libera administracione omnium

77

et singulorum premissorem Et cum potestate substituendi unum vel plures procuratorem vel procuratores et substitutos revocandi, Et relevantes dictum suum procuratorem et substitu- tos ab eo ac eorum quemlibet ab omni satisdacionis onere, promiserunt michi notario publico infrascripto tamquam publice persone solleinpniter stipulanti ac reeipienti vice et nomine omuium et singulorum quorum interest vel interesse poterit quomodolibet in futurum, rata grata aeeepta habere et tenere omnia gesta facta et procurata per dictum ipsorum procu ratorem et substitutos ab eo, Et pro eis et quolibet eorum iudicio sisti et iudicatum solvi cum suis clausulis universis. Inde se fideiussores constituentes sub eorum omnium bonorum obligacione et ypotheca. De quibus dicti constituentes pecierunt sibi fieri hoc presens publicum Instrumentum a me Notario infrascripto. Acta sunt hec Anno, Indicione, die, mense, hora, pontificatu et loco quibus supra, Presentibus Honorabilibus ac religiosis viris dominis Andrea Rudler, Leonardo Froelich, Johanne Hau enschilt fratribus Monasterii Sancti Vincencii prope Wrat. ord. Prem. ac Jobanne Oeker de Opol, clerico Wrat. dyoc. predicte et Organista eiusdem Monasterii Czarnowans testibus ad premissa rogatis specialiter et vocatis.

Et ego Petrus Schorgast olim Jesconis etc.

Aus dem Archive von S. Vincenz.