CVII.

1425. Juni 21.

Wir Michel Seidell von gotes gedult Probist czu Czarnowaus, Thuen kunth mit dezem brieffe allen den dy dezen brieff zehen, horen adir lezen, offentlichen vnd Bekennen, daz vor vns komen ist der Erbar knecht Wawirske genant, vnser vndersesse vnd Gebawer zur Wan- wel, vnd hot Bekant, daz her Schuldig sie czehn marg groschen Bemischer moncze Polni scher czal den Ersamen vnd Andechtigen . . Priel vnd dem Ganczen Conuente des Ordens Sente Dominici czu Opol uff dem Berge gelegen, Do vor en der egenante Wawirske vor- schrebin hot vnd vorschribit mit crafft dis brieffes, Eyne freye hube Erbes mit eynem hawffe. In vnserm gute zur Wanwel czu neste Micolayen erbe vnd hawffe gelegin, von welchen czehen marken der egenante Wawirske ffir Jor de sich nochenandir vorfolgen von dem neste komenden Sente Mertens tag Alle Jor Jerlichen gelden geben vnd czinsen zal Eyne halbe marg groschen der obgenanten monczen vnd czal uff Sente Mertens tag, vnd uff den neste komenden an czu heben, vnd alzo die andern drey nochkomenden Jor den egenanten czins vnvorczoglich vnd an arg czu geben. Ab her das nicht tete vnd dy egenante halbe marg czinses nicht gebe uff den tag alz obengeschrebin stet, zo mag man En dorumme phen

115

den vnd mit den phenden thuen vnd lossen alz alle recht domethe begangen weren. Auch mag vnd zal der egenante Wawirske die obgenanten czehn marg groschen In den obgeschre- ben flu' Joren aplozen vnd beczalen, mit czwen marken, mit dreyen margken, mit ffir marg- ken, mit ffumff marken noch seynem vormögen, bas her sie gar beczalet, an alle wederrede vnd hindirnisse . . des obengenanten . . Pryels vnd des ganczen Conuentis des Ordens Sente Dominici zu Opol. Wurde is abir zache, daz der egenante Wawirske die obengenanten czehn marg In den ffyer Joren, alz obcngeschrebin stet, nicht aplozen noch beczalen wurde, zo zal der egenante Wawirske von den obgenanten czehn marken Alle Jor Jerlichen czinsen vnd geben uff Sente Mertens tag Eyne marg czinses der obengenanten monczen vnd czal, Bey der Phendunge, alz obengeschrebin stet, vnd alzo alle ander vnd itczliche nochkomen- den Jore Eyne marg groschen rechtes czinzes gelden geben vnd beczalen dem obengenante . Pryel vnd dem ganczen Conuente des Ordens Sente Dominici zu Opol gelegin, Alzo lange dy weyle die obengenanten czehn marg groschen nicht apgelözet noch beczalet werden. Des zu Orkunde haben wir obengenanter probist vnser Ingesegil an dezen brieff lozen hen- gen, der gegebin ist zu Czarnowans Am nesten donrstage vor Sente Johannes tag des hey- ligen Tewffers Noch Cristi gebort ffirczenhundirt Jor dornoch yn dem ffumffvndczwenczigi- sten Jore. Do bey seynt gewest der Andechtige vnd Erbern her Johannes, eyn Bruder des Ordens Sente Dominici wonende czu Ratibor, Andrze gebawer czu Smeyelsdorff, Augustin Czymmerman von Crappitcz, Hannus Cymmerman von Breslaw, Niclos Herbort vnd Hannus Borloch vnser dyner, vnd Nicolaus Lanificis von Wenigen Glogaw vnser Schriber, dem deser brieff befolen wart, vnd ander vil Erbar lewte.

Mit dem beschädigten Siegel des Propsten.