(Nach dem Eopiar. — Bergl. Nrk. vom l, Februar 1412.)

22*

17« Urkundcnbuch des Klosters St. Johannis

Jk Werner hulsingh Johan dyderik vnde ffloreke des vorben." Werners sone Bekennen openbare in dessem breue vor vs vnde vse eruen de yth myd rechte an roret vnde noch an thokomenden tiden myd rechte an rorende Wesen mach dar wij vnde vse eruen na rade vnser vrunde hebbet vorkofft vnde vorkopet myd macht desses breucs to eyneni reckten erfliken kope ewichliken Hern hinr. knyggen proueste to Walsrode Richarde van Honhorst priorende vnde dem ghansen Connente dar sulues vsen meygerhoff to Conerdinge myd aller flachten und vnde thobehoringe Jnholte Jnvelde In Ackere Jnwischen Jnwatere Jnwcyde dar nv to tiden uppe wonet dethmer ghogrene Alse de sulue dcthmer den bezeten hesst myd sinen tobehoringen wente an dessen dach Vor twintich lub. mark de vs vnde vsen eruen na willen wol« betalet sin vnde weder an vnser eruen nud gekomen Wij vnde vse eruen doct desses vorscreuen Hönes myd alle synen tobehoringen eyne rechte ewichlike vorticht vnde beholdet vs noch vsen eruen nenerleye rechticheit mcer dar anne Wij vnde vse eruen willet deme vorben.' clostere kopes vnde Hoves reckte warende Wesen wur vnde wanne van vs vnde vsen eruen bat ghe eschet morde Alle desse vorschreuen stucke samtliken vnde bij sunderen loue wij vorben." vor vs vnde vse eruen dem proueste priorende vnde ghansen Conuente to Walsrode In gudcn truwen stede vaste vnde vnuorbroken to holdende ane alle lyst Vnde hebbet des to bekantnisse vse Inges, vor vs vnde vse eruen an dessen breff gehengct De geuen is na godes bort verteynhundert Jar dar na In dem twolften yare In vnser leuen vrouwen dage to lechtmissen.