140 Urkundenbuch des Klosters St. Johannis

Sohn, und Heinrich von Hodenberg sein Bruder, Bodo und Thomas seine Bettern genehmigen den Berkauf. 18. Oktober 1386.

(Nach dem Codiar. — Abgednilst im Hodenbcrger Nrkuvdenbuche, 1858, Urk. I«4.)

El Luterd van Hodenberge Knape bekenne vnde betuge opcnbarc an dessem breue de to tuch- nisse besegelt is myd myncm Jngcsegele dat ik hebbe upgenomen van dem erbarcn manne Heren Berteide proueste vrov elyzabet priorende vnde van dem ghansen Conuente to Walsrode Seuen Lud." marc pennige dar vore ik ene vnde al eren nakomelingben vorkofft ghegeuen vnde ghclaten hebbe vorkope gheue vnde late degher vnde al vthe myner vnde myner eruen were Ghezeken husurouwen Olrik erpcs vnde Hen neken erpes eren sonen myd allemc rechte cghendome herschop vnde nud de ik vnde myne eruen wante an desse tijd an en Hebben gehad vnde ok erer vnde al erer vrucht de van on komen mach vnde al desser vorbenomeden rechtes eghendomes herschop vnde nud eyne ghanse reckte ewige vortickt vnde ik vnde myne rechten eruen willen vnde schulten deme proueste priorende vnde Conuente vnde eren nakomelingen vorbenompt reckt warende Wesen desser vorkopinge gheuinghe vnde latingc wanne wur vnde wo dicke on des nod is vnde dat van vs ge escket wert sammert vnde bysunderen Vnde ik loue alle desse vor- schreuencn stucke vnde erer juwelk bysunder vor my vnde vor al myne rechten eruen vor alle de dat an tryd eder myd rechte an treden mäch Vnde sunderken vor Hinrike van hodenberge mynen broder Vor Boden vnde tbomase van hodenberge myne vedderen vnde vor alle ere rechten eruen deme proueste der priorende vnde deme ghansen Conuente to Walsrode vnde alle eren nakomelingen vaste stede vnvorbrokcn vnde truwelken cwcliken to holdende Vnde wij Hinrik van hodenberge des vorschreuencn Uutherdes broder Bode vnde thomas syne vedderen vorbenompt Bekennet vnde beluget vpenbare in dessem opencn breue de to tuchnisse bezegelt is myd vnsen Jngescgelen dat desse vorscreuene vorkopinge vorgheuynge vnde latynge Ghesen busurouuen Olrikes erpes vnde hcnneken eres sones alsus geschcn sin myd vnsem ghuden willen vnde gansem vulborde Vnde wij louet alle desse vorscreuenn stucke vnde erer Juwelk bysunderen vor vns vnde vor alle vnse rechten eruen vnde vor alle de de dyt van vnser wegene an tryd eder myd ychte an treden mach den vorscreuenen proueste priorende vnde Conuente vnde al eren nakomelingen stede vast vnuorbraken vnde truwelken ewelken to holdende Dyt is geschcn Na godes bort dusent vnde drehundcrr Jar An dem secs vnde achtigesten Jare an sunte Lucas dage des Hilgen ewangelisten.