Jk Arnd slepegrelle knape Hern Aluerikes sone eynes rydders deme god gnedich sy Bekenne vnde betughe openbare in desseme breue Dat ik mit vulbord vnde willen alle miner eruen De nü sint vnde nock to komen moghen hcbbe vorkoft vnde vorkope ener erbaren gheystliken Juncvrowen vor Ghezen van Bootle de begheuen is in deme Clostere to Walsrode enen Hof de leckt in deme dorpe to holleghe mit alleme rechte nüd vnde tobehoringhe Dat sy in Velde in wysschen in weyde büten vnde bynnen also mine elderen den mi gheeruet hebbet to eneme ewighen erffope vor vyf vnde veertich mark veer schil- linghe min luneborger penninghe De mi alle na willen i» redcme guden ghyftighen ghelde betalet syn dar se alle jarlikes schal van vpboren to tynse vyf Bremere veerdinghe vnde en swyn van verteyn sckillinghen it sy mäste cdder keen vnde veerteyn schepel roghen vnde verteyn schepel Haueren verder mate vnde dree stighe Hof gharve van dessen vorbenomden tynse schal mcn alle iarlikes gheuen en pünt luneborger penninghe to dem lüchte vnser vrowen vnde alle godes hylghen wat dar denne ouer blift dar schal men allen kcrstenen zelen vmme de veer weken missen mede lesen laten mit almesen alle de wile dat dar wat van ouer is vnde ik Wille ere defses Hoves vorbenomd en recht warende wefen also en recht is vry gud to warende Ik vnde mine eruen ncnerleyge recht dar an to beholdende vnde wy her Wulfard kerchere by dem Rodenwolde Gherd. vnde Johan sin sone Johan Aluerikes sone vnde Johan Ordghises sone knapen alle geheten de slepegrellen medelouere lsuet alle en truwen mid ener sameden Hand mit Arnde slepegrellen vnseme vedderen sakewalder der vorbenomden Juncvrowen vor Ghezen van Bootle alle desse vorscrcuenen stucke stede vnde vast to holdende vnde vnvorbrekliken alle arghelist vnde nygevunde Gheystlik vnde werlik vtghesproken de me teghen dessen breff vnde ewighen kop binden edder suken mach Vortmer were dat vor Ghezen van Bootle edder we dessen breff van er edder von erer weghenc hedde wodane wys edder wo dycke dat were beworen worde an dessem Hove des god nickt ne Wille szo Wille ik Arnd sakewolde vnde wy her Wulfard Gherd. vnde Johan sin sone Johan Aluerikes sone vnde JoKan Ordghises sone medelouere alle vobenomd («c) vnde vnse eruen man wy dcir vmme ghemanet worden van staden an by vnsen truwen vnde lofte se van alleme hindere vnde bcwernisse losen vnde allen witlikcn schaden wedderleghen vnde na willen entrichten To euer vasten bekantnisse vnde betughinghe alle besser vorscreuenen stucke so hebbe ik arnd sakewolde vor mik vnde mine eruen to voren vnde borghcn alle vorbenomd vnse Jngheseghele alle witliken ghehanghen to dessem breue De ghegheuen is na godes bord Drytteynhundert Jar In deme vere vnde Achtighesten Jare In deme daghe sunte Elizabeth Der hylghen vrowen.

Sech« runde Siegel der Schlepegrell.