Ek Hinr." vnde Ortghis Beren Hern Olrikes zone deren Bekennet openbare in dessem breue vor vs vnde vse eruen bat hth nv vnde in tokomcnden tiden an rorende Wesen mach dar wij zamtliken hebbet vorkofft vnde vorkopet myd macht desses breues to eynem rechten erue kope Hern hinr. knigghen proueste to Walsrode Richarde van Honhorst priorcnde vnde deme ghansen Conuente dar zulues van vnsem Hove dat de meygere hoff het in deme dorpe to der bomene vse wisch war up der bomene dat to deme sulucn Hove Horde vor veer vnde twintich mark lud. myd alleme rechte erfliken bij dem eergenomten clostere to bliuende alze yd van oldingcs hefft gewesen Also dat nement neyn war noch korfflegere slan eder maken schal eder ycht maken dat desseme Ware in vyschvange schaden mach bencden dyt war wente up de alre vnde in allen ye ghenden dar yt gewesen hefft nedenwart eder up wart vnde dar de vorben. vse hoff land an de bomene ghandc hefft mach dat war de prouest vnde dat closter eegenompt dat slan vnd maken latcn dar yd eine beqweme is Ane vse vnde vser eruen vnde yemendes Hindernisse Vnde alle de wile vnse vorben." meygerhoff vse vnde vsen eruen is mach de prouest we de is to Walsrode in deme bomener holte van vsen echtwerden struck to deme werde houwen laten Des wij one waren wilt alze vele alse emc de behoff is vnde wan he des dar to bederfft wij vnde vnse eruen don desseö vorben. vischware eyne rechte ewige vorticht In dessem breue Vnde vs noch vsen eruen nenerleye rechliches dar anne beholdet Men wo dicke des deme eergenompten proueste priorende vnde Conuente vorscreuen nod Wörde Wille wij vnde vse eruen^esses kopes vnde wares warende Wesen vor alsweme Vnde des wares rechticheit an dessem breue vnde benompt wanne dat van vs sammend eder bij sundern eder van vsen eruen ge eschet morde To vorderen bekantnisse vnde mereren zekericheyt hebbe wij hinr. vnde Ortghis vorben." vor vs vnde vse eruen vse Inges, witliken an dessen breff gehenghet De gheuen is Na godes bort verteynhundert Jar dar na In deme twolfftcn Jare des vrigdages vor suntc Pauli dage siner bekeringe.