We Arnold Hern Aluerikes sone, Alueric Wulfhard Gheuehard vnde Roder brodere. Hern Arn. holdes Sone, Ordghis vnde Gherhard. Hern Johannes sone. Hermann Hern Gheuehardes sone, Gheuehard Aluerikes sone, Thideric Gheuehardes sone, alle ghe heten Slepegrellen Sin des be kand openbare, vor allen vromen luden, an deseme breue. dat we mit vhulborde vnde mit ghudeme willen, al vser eruen hebbet verkoft vnde reddeliken vnde rechtliken tho rechtheme eruen ewegheme kope, sekerliken vorkopet den gheystliken Closter junghvrowen tho walisrode Beken Kleynkok, Abelen Scherliken. vnde Grethen van Wittorpe, vnde vortmer al den ghennen, de desen gheghenwardighen bref hebbet, se sin gheystlich ofte werldlich, papen edder leygen, vsen vriggen Hof tho Olden Bothzenem, dene korn, meygeres wife ichtes wanne hadde ghe buwed, vnde vse Elderen vs ghe erued hebbet. Mit alleme rcchthe, mit aller Slachthen nuth. vnde mit sl deme, dat tho deseme Hofe Horb, buchen, vnde binnen an wischen an weydc, an holthen, vnde an velden, vor Thwintich marc. vnde Sesthe halue marc, bremeres sulueres, de vs, na vseme willen, al be talet sin, vnde we, lachet on, desen Hof, vnde defet ghud, mit Händen vnde mit munde, vnde mit breüen, vnde wo, we van rechthe sckolen, an vre hebbenden rechthen eghenen were, mit allen ghnaden tho brukende, vnde ewichliken, eghendliken tho be sittende. vnde noch we, noch alle vse eruen ofthe an eruen, de nv sin, edder noch werden moghen, ne be holdet, noch ne hebbet, an deseme be nomden ghude, nichtes nicht rechtef, edder vn rechtes wolt edder voghedigge, noch besettinghe, ofthe vnt settinghe, vnde nenerhande anwardinghe. vnde we, noch nement van vser weghene ne scholen se, an deseme ghude, mit nichthe hinderen, mit nichts be weren, noch be claghen, noch be kumberen, nenerhande wise, ghcystlich edder werldlich. vnde we scholet vnde willst, on, deses be nomden Höstes vnde ghudes vnde siner fekeren vrigheyd recht warent Wesen, wor, vnde wanne, vnde tho wo manigher stunt, des on noch is, wo we van rechthe scholen. al dese vore be nomden dingh, loue we, on an truwen mit samender hant, beyde, desen vore be nomden junghvrowen, vnde ok al den ghennen, de desen bref Hebben, vor vs, vnde vor alle vse eruen, boren vnde vn ghe boren Sunder gbennigher Hände arghe list, stede, vnde vast, tho holdende vn vor broken, Tho openbarer thughinghe, al deser be nomden deghendinghe, vnde vses loftes, is, dese bref, be seghelt, mit vser aller inghesegbelen. Deset is ghe sehen, vnde dese bref is ghegheuen, na der bord vnses berren, Dritteynhundert jar. vnde an deme Sestighesthen jare, des hilleghen daghes. Senthe Olrikes, des hillighen bischopes ... Vortmer. hebbet vns, dese be nomden Closterjungvrowen, frundleken ghe beben, dat we, bethughhcn an defeme breue, wo dane wis, me deylen schole. De ghulde vnde den thins, deses ghudes vore be nomd, alle iar, ewelikcn .. Webbekcn kokes. dere ghod ghnedich si schal na ghelden, dat ersthe verdendeyl. des thinses den deset ghud, jarlikes rechthen mach, vre vnde orer olderen jarthith, thwigen jar, mede tho beghande jn Missen vnde vigilien. den prestheren tho walisrode, Dat andere verdendel. beken Cleynkokcs, scal ghan, tho dem luchte, des hilleghen Cruces vnde vser vrowen, de hclfthe, De andere helfthe, vre jartid mede tho be ghande, Dat dridde verdendeyl Abelen Schorliken, scal ghan, tho vnser vrowen luchte, Dat verde verdendeyl. Grethen van wittorpe, de helfthe scal komen, tho dem luchte, senthe Petrus vnde sente Paules, de andere helfthe, vre jarthid, mede tho beghande, Defen vore be nomden kop, vnde dese loflikcn vor sathinghe, Hebben dese vore be nomden Closterjungvrowen ghe dan, mit orer ouersthen vhulborde, wid» schop vnde rade ..

Zehn Siegel der Gevettern Schlepegrell, da« »., S. und 9. rund, die übrigen Herzsiegel, jede« eine Klaue im Schilde darstellend.

!I8 Urkundcnbuch des Klosters St. Johannis