zu Walsrode. Urk. 317—319, 1489—149«. 2V7

Wy Borgermester vnde Raedt to der Nigenstad Bekennen Inn vnde myt dusseme breue vor vns vnd vnse nakomelinge vnde alsweme So In vortyden Hinrick ossenbrugge vnde syn husftuwe bij deme stichle to Walsrode na lüde etliker register, bij deme sulfften stichte belegen eyne memorien gemaket vnde dar vpp hundert Rinsche guldenn vp vnse Raedthuesß gelecht de vnse vorfaren entfangen vnde alle Jaer myt veer guldenn vortinset hebbenn dar mede de memorie ist geholden alsß denne bat Mchte Walsrode Vorbrandt vnde der haluen oer segell vnde breue de se vppe de hundert guldenn van vns gehath hebbenn vorseret syn, hebbenn wij vns vp dat de godes denst vnsenthaluen nicht vorbliven mochte In allen besten dar an gegeuen dat wij vnde vnse nakomelinge nicht de wenigere sunder wu vor als off de eyrste breyff noch in fullenkomenne macht were myt den veer Rinschen guldenn Jarliker tinse willen behafft syn vnde de alle Jaer vp sancti Michahelis dach eynenn proueste to Walsrode edder weme dat de samelingc dar suluest beuehelen vnde dar na schicken vorbandclagen vnde van vnseme Raedthuse vthe vnsenn redesten vpkomendenn betalen vnde sunder vortoch vornogen des sc vns alle Jaer myt noethafftiger quitancienn weder vmme Vorsorgen schullcnn, doch hebbenn wy vns vnde vnßenn na» komelingen de macht beholden dat wy alle iaer wenne vns des gelüstet sodanne veer guldenn Jaergulde myt hundert Rinsche guldenn moghenn asslosenn, des wij dat eneme proueste to Walsrode edder der samelinge In den twolsfnachten to wynnachten vorkundigenn vnde denne in deme negest folgendenn veer hilligen dagen to paschen sodanne hundert Rinsche guldenn an eyneme Hope bunnen deme closter wals» rode to guder genoge betalen vnde dan schullenn alle erschenen tinse offt der na dato dusses breues wes vorsethenn were deger vnde alle betalet syn sunder des gemelthen stichtes hinder vnde mogeliken schaden Alle puncte vnde articule Inn dussenn breue begrepen sampt vnde eyn itlick besunderen lowenn vnde reden wij Borgermester vnde Raedt obgenant deme mergedachtcn stichte Walsrode vnde der gantzen sam» melinge In guden truwen stede vast vnde vnvorbroken Wol to holdende sunder argelist vnde geferrde To orkunde hebbenn wij vnser Stab rechte Jngesegel gehenget heyten an dessen breyff na Christi gebord Dusent veerhundert Jaer dar na in deme negen vnde achtentigestenn Jaren ame Midweken na viti Martins.

«roße« runde« Siegel der Stadt Neustadt a. R.