Wy borgermestere vndc Radmanne des blekes walßrode Bekennen openbare myt desseme vor» segeldenn breffe vor vns vnße nakomelinge vnde alheweme bat vor vns gewest syn vnde vulmechtich gemaketh tho handelnde vnse medeborger vnde borgcrsche de marsenschc myt oren kynderen vmme eyne wisck Jme marßschen brocke vppe des closters gude belegen«, de suluigen vormeldedenn wischk de werdige here ernst vann Hademstorppe de tor tyd prouest to Walsrode em af gekost hefft myt aller rechticheyt vnde thobehor se dar ane haddenn to eruen kope vor twintich gülden rinsche sunder ansprake wedder» kope vnnde wedderstadinge vor boren vnde vngeboren den dith an drepende ist van egendomes weghenn in besittinge gehad Hebben vnde na malß irlangenn edder krygen mochten, to ewigenn tydenn Hyr an vnnde ouer syn gewest her cord specht in vorledenn tydenn eyne prouest to Walsrode gewest her arnd richerdes eyne kerkhere to hermensborch >) do tor tyd eyne bichtiger. der iuncfrowenn dar sulucs. To merer vnde warer tuchnisse hebbenn wy vnße Jngeßegele witliken an dessen breff Helen hangenn De gegeuen is na der bordt christi verteynhunderth dar na Jme dre vnde negentigesten iare ame dage der hilligenn apostele philippi vnde jacobi.

Siegel der Stadt Walsrode in braunem Wachse.

l) HennannSburg in der AmtSvogtei gl. N.