Jk Johan Slepegrelle knape Aluerkes sone bekenne openbare in dessem breue de besegelt is myd mynem Jngesegel vor allen guden luden de ene zeet eder höret lesen dat ik myd vulbort al myner eruen de nv sind eder noch mögen geboren werden hebbe vorkofft vnde vorkope in defseme breue enen rechten kop Hern Borcherde gherwens van vlsen deme Prester« vnde deme ghennen de dessen bref hefft myd sinem willen veer vnde twintich schillinghe gheldes in mynem Hove to Stellige dar nv uppe wouet Heyne brokele alle jarlikes up to nemende ane jengerhande hinder vor sesteyn mark Luneb." Pen" de he my na willen hefft betalet Were auer dat de Hof moste Wörde alse des nicht ensche so scholde dcsse ^ vorschreuen her borchert eder de ghenne de dessen breff hedde ere vere vnde twintich ß saken an den wischen vnde an dem ackere also dat se yo vul hedden Des hefft desse vorscreuen her borchert my vnde myncn eruen ene gnade geuen dat wij alle jarlikes mögen weder kopen vmme desse vorscreuen sesteyn mark van cme eder van deme de dessen bref Heft man wij dat don willet dat schulle wij en kundigen bynnen den twolff nachten to wynachten vnde so schulle wij en ere Pen." rede geuen to sunte Peters dage to dem stole Tho eyner groteren betughinge vnde vasticheit So hebbe wij her wulfert Prester Arnd Johan gherdes sone witliken myd dem vnsen vedderen des sakewolden Johannes Henget to dessem breue Also dat wij vulbordct alle de stucke de vore screuen stad vor vns vnde vor vnse erucn Vnde is gesehen na godes bort dusent jar drehundert Jar In deme twe vnde neghentigesten Jare In deme Hilgen dage sunte Aghaten der Hilgen Junckfronwen.