zu Walsrode. Urs. 174— 177, I3«4 — 1367.

von Bothmer, der Erstem Mutter, einen Hof zu Brock im Kirchspiele Soltau sA.-V. Fallingbostel), welchen diese dem Kloster Walsrode zunächst zur Leibzucht für ihre Tochter Amclie, Klosterjungfrau dafelbst, übergeben hat, jedoch unter der Bedingung, daß sie denselben zurückkaufen dürfen. 29. No» vembcr 1367.

(Bergl. Urk. 212 vom 28. September 1392,)

We Wernher vnde florcke. brodere. Boden sone, vnde Willeken Wedekindes sone, alle gheHethen van Ghiltene. sin des be kand vor allen vromen lüden, an deseme openen breue, be seghelet mit vsen jngheseghelen. dat we, mit willen, vnde mit ghudeme vhulborde, al vser eruen. boren, vnde vn ghe boren. Hebbel ver kost, vnde an deseme breue reddeliken. vnde rechtes ewighen eruekopen vor koped, vro» uen Mechthilde, hinrikes wedewen van Bothmers, vser. benomden. wernheres vnde florcken, moder, vsen Hof, gheHethen. tho dem Broke den nu tho thiden. Ebbelingh. buwed meygeres wise gheleghen. In dem kerspelde tho Solthowe mit alleme rechthe. vnde mit aller slachthen nuth, vnde mit aller thobehoringhe, buthen vnde binnen, lüde vnde ghud. vnde de voghedyge. vor twelf bremere marc. achth vnde twintich luneborghere scillinghe. vor ene gewellike marc, de vs al. betaled sin. na willen. Defen benomden Hof, Heft vrowe Mechthild vorebenomd, mit vseme ghuden willen, vnde vhulborde. ghegheuen, ghansliken, tho trosthe, erer, vnde ores mannes Hinrikes. sele. In dat Closther tho Walisrode. tho hulpe. der Closther. iungvrowen rocke, dar mede tho thüghende eweliken. de. de. priorend. darsülues, besorghed. In deseme benomden houe, Hebbel dese ghestliken juncvrowen, ene halue marc ewegher ghulde. tho den fuluen rocken, de vse elderen. den ghod ghnedich si, dar hebbet In ghe gheuen. tho beghinnisse orer selen, bouen dese halue marc, scal de meyger. deses Hoves, gheuen alle, jar, tho senthe michahelis daghe. achthe vnde twintich luneborghere scillinghe, Jumvrowen, amelikcn van ghilthene. closther juncvrowen dar sulues. vser. wernehes vnde florcken susther, de wile dat se leued. Na oreme dode, so scal dese Hof tho dem Brokc, so hir vore ghesproken is, mit alleme rechthe vallen vnde komen tho den Closther Juncvrowen des Conuentes tho Walisrode, jo doch mit deseme vnderschede. dat we. vore benomden van Ghilthene. vnde vse eruen, moghen desen Hof wedder kopen. vor deset benomde gkeld, van on allen, alle jarlikes tho senthe Petrus daghe, gheHethen tho dem stole, wan we, on dat vorekündighed tho twelfthen. vnde dese Mechthild, vnde vre dochther ameleke. vnde dat Closther Walisrode, scholen jo desen Hof, mit alleme rechthe vnde nuth in erer hebbenden were ghansliken beholden, also langhe, bent om vre thwelf bremere marc al betaled werden, vnde, dese suluen penninghe, scal men jo kcren vnde bewenden, den in cwighe iarlikes ghulde, in der suluen wise tho bliuende so hir vore ghesproken is, weren dat sake, dat vser borghen, de an deseme breue benomt sin. edder nicht ghenomt sin, ghennich af storne wanne vnde wo , dicke, dat gheschude, fo schole we on. binnen verteyn nachthen al tho handes. darna. wan we. werdet dar vmme ghemanet. enen liken ghuden. wedder In des doden stede fetten, tho louende, on. In eneme sunderliken breue. also dat dese bref. tho allen thiden. jo like ghud vnde vast bliue, al dese vore- benomden stücke vnde tzcghendinghe, loue we. vorebenomden van Ghiltene. desen vore ghesprokenen, vrowen Mechthilde, ameleken. vnde dem Clostherjuncvrowen vnde tho voren demc prouesthe vnde der priorend. an truwen mit samender Hand, vor vs vnde vor alle vse eruen, sunder gennigherhande arghelist, stede vnde vast, vnde vnvorbroken tho holdendc, Vordmcr we. Henningh vnde Eckeherd brodere gheheten van Ghilthene. bckcnned des. dat we, desen vorebenomden, vrowen Mechthilde Hinrikes wedewen van Both. mere, juncvrowen ameliken van Ghilthene, dem prouesthe. der priorend. vnde dem ghemencn Conuenthe tho Walisrode, hebbet gheloued. vnde an deseme breue, an truwen mit samender Hand, sunder ghenigher» Hände arghelist loued. weren dat sake. dat se in allen desen vorebenomden stucken, deser deghcdinghe. ghennigherhande, misquemc vnde hinder leden, dat were in line. ofthe an dode. wernheres vnde florcken. broderen, vnde willekines. van Ghiltene vfer vedderen, vorebenomd. vnde orer eruen. vnde we darumme ghemaned worden, so schole we. vnde willet binnen den neghesthen vcrtcynachthen, na deser maninghe, al den broke. ghansliken wedder dhon. vnde vprichthen. vnde vre twelf bremere marc, al tho male betalen

,24 Urkundenbuch des Klosters,St. Johannis

vnde wedder gheuen, mit reden penninghen. edder mit nothliken panden, deine beguemeliken trecken edder vören moghe. vnde vre benomden penninghe vhullenkomeliken mede eruerucn moghen, also dat se. on, jo werden vnbevorren. Tbo thughe vses loftes. vnde al deser benomden dingh. is dese bref beseghelet. mit vser widschup mit vsen Jngheseghelen. Deset is gheschen. vnde dese bref is ghegheuen. Na der bord Ghoddes dritteyn hundert jar In deme Seueden. vnde Sestighesthen. Jare. In dem hilleghen ancnde Senthe andreas des hilleghen apostoles.

Fünf Siegel der von Gilten. Die vier runden Siegel stimmen in der Zeichnung überein. ras zweite Siegel, ein Herzflegel des Florke. weicht davon ab,