(Nach dem Copiar.)

Jk Cord van der Haghene bekenne opcnbare in desseme breue vor my vnde myne eruen dorn vnde vngeborn bat ik to rechtem eruckope vorkofft hebbe Hern hinr.' knigghen proueste to Walsrode Richarde van Honhorst priorende vnde dem gansen Conucnte darzulues eyne mark gheldes lub. de ik vnde myne eruen in dem Hove to oddestinge hadden dar nv to diden Marqwert vppe wond vnde alle rechticheit esst ik der vordere wad an dem suluen houe Hebben mochte vor twolff lub. mark de my na willen wol betalet sin vnde do der mark gelbes vnde wad rechticheit ek vorder an dcme houe Hebben mochte eyne rechte erfflike vorticht yt were wad sake bat an roren mochte eder an rorde vnde wil ok vnde myne eruen dem vorgenanten proueste vnde clostere to Walsrode der mark lub. gheldes rechte warende Wesen to allen tidcn wanne dat van vns my vnde mynen eruen geeschet Wörde Vortmer ik Ghize van der hagene bekenne in dessem suluen breue dat alle desse vorkopinge vnde vorlatinge der Lub. mark geldes an Marqwerde houe to oddestinge vnde der rechticheit icht ck der wad Hebben mochte an dem houe de Cord van der hagene erffliken vorkofft hefft dem clostere to Walsrode my vnde myner eruen gude Wille is vnde vulbord vnde dat stede holden willen Ok hebbe ek Cord vorgenompt my vnde mynen eruen de gnade beholden dat ik de mark gheldes weder kopen mach alle Jar vor twolff Lub. mark wo ik en dat witlik do to lechtmessen vnde jn der pasche wckene ene de twolff mark betale to Walsrode eder to Rethem Alle desse vorscreuen dingh to bekantnisse hebbe ik Cord van der hagene vnde ik ghise van der hagene vse Inges." an dessen breff gehenget de gheuen is na godes bort verteinhundert Jar dar na Jn dem elften Jare des sondages na twolften.