Ek Hermen Leuering Witte Henneke Henneke Meygeringe vnd Bernd steyns wonachtich to sprengele vrybannes lüde vnd vryen in deme kerspele to nyenkerken Bekennen openbare in desseme breue dat wy van vnser. vnser eruen vnd alle der vryen wegene in dessem benomeden Kerspele hebbet gelaten, vnd' latet in macht desses breues Hern hinr." knicgen Vormunden des Closteres to Walsrode Richarde van Honhorste priornde vnd deme gansen Convente dar sulues mit gansem vulborde alle der de id anradende Wesen mach, de bischerige vnd vischweyde, vnd de rechticheit, de wy hebbet gehad vppe de wydowe vnd en willet noch en schrillet dat clostere to Walsrode vnd weme se dat bevalende worden noch an dike eder an der widowe wu mcn de dikende Wörde neynerleye hindcr don noch jemende scaden to donde vnd willet dem clostere dat truweliken to gude helpen woren wur wy kuunen na al vscr macht, vnd were dat dar eyn mole gebuwet Wörde to dem molenhoue to nyenkerken eder auer mcr buwendcs nod morde na desseme dage dar schulle wy dem clostere to helpen vnd vülsten mit holte vnd hulpe na vser macht alse wy vorderst kunnen, were ok dar god vore sy dat dat also queme dat we vordrenkcde in dem dike eder in deme beke wur dat schude so beholde wy vorgenanten vryen vns vnd vnsen eruen vnd dem gansen kerspele to nyenkerken vnd dcme we de were de gnade dat me dene mach soken vnd vtwynnen sunder des dikcs schaden, vnd den na wonheit der Hilgen kerken begrauen snnder Jemandes orloff vnd hcte Alle besser vorscreuene ding vordere to bestendicheit vnd mereren wisscnheit hebbe wy vryen vor vns vnd vnse eruen vnd kerspele dit gclouet vnd louet dem Clostere vnd convente to Walsrode stede vnd vaste to holdende, vnd des to tuge hebbe wy vnses kerspels Jngesegel an dessen breff gehenget heten de geuen. is. na godes bort veyrteynhundert Jar dar na In deme seueden Jare des sondages na des Hilgen lichammcn dage.

Siegel des Kirchspiels Neuenkirchen in rothem Wachse.