Jk Otto Hauerber knape Bekenn openbar in dussem breue vor my myne erue vnde alßwem Dat ik myt wolberadennen mode myt wettende vnde guddunckende metten myner husfrouwen hebbe gegeüen erffliken deme kloster tho Walßrode mynen koten deleggen vppe deme berge by deme meygerhoue tho hußlem So wes dar van komen kan schal on de prouest iarlikes erst in der vasten versche vische vor in dat kloster geuen nach deme se sick god almechtich gelouet sy in eyn ordelick leuent gegeuen Hebben Vnde hir vor schullen de sammlinge vns vnde der vnser in orer innicheyt nomptliken tho den ver begenck- nissen de se vor des klosters stunde Hebben Swicberti Bonifacii Gorgonii des anderen dages sunte andre«« dage iarlikes truweliken indechtich sin vnde den almcchtigen gode truweliken vor vns bidden des wy one so wol getruwcn Vnde hebbet dusses tho bekantnisse muri Jngesegel witliken gehangen an dussen breff de gegcuen is na der gebort christi vnses Heren dusent verHundert dar na in deme achten vnde achtigesten iare ame achten dage petri et Pauli der hilligen apostel.

Rundes Siegel des Knappen Otto Haverber in grünem Wachse. -