Wir grave Albrecht von Lauwenstein vnd frau Lukart, vnser eliche Wirtinnen, dun kont allen den, die dysen brief gesehent oder gehorent nu vnd hernach, daz wir bit gemeinen rade vn- serm swager, grave Heinrich von Spanheim, vnd sinen erben allez daz recht, daz wir an dem zehenden zu Albesheim hatten, vnd an deme dorfe zu Bussingen, a�?е daz borglehen hern Hein rich Waltmannes, daz er von vns hat, daz in dem selben dorf zu Bussingen gelegen ist, geben wir vnde vnser erben ime

219

vnd sinen erben. Darnach veriehen wir vns, daz der selbe vor genant zehende ime vnd sinen erben sal ledig werden gemacht bit vffe virzig pond heller, waz er pandes stet ane gegen hern Herdeme von Uffenheim, vnd also stet der selbe zehende pan des minre danne virzig pond, daz sal vns vnde vnsern erben zu frommen kommen. Stet aber er me pandes danne virzig pond, daz sollen wir ime abelegen. Vnde veriehen vns auch, daz wir ime deme selben zehenden ledig sullen machen vor dem nehesten im wen (iahr), daz hernach kummet. Wir veriehen vns auch, wer iz, daz wir dirre vorgeworte, die do vorgeschri- ben sint, nit endeden, so erleiben wir ime vnser pant ane zorn. Daz diz stede vnd vnverbrochen verlibe, so han wir ime vnde sinen erben disen brief geben, bestediget vnd besigelt mit vnser beider ingesigele. Dirre brief wart gegeben nach Godes ge- burte tusent iar, zweihundert iar vnde nun vnd nunzig iar, an sante Paulus bekerde.