Walramus, Dei gratia prepositus maioris ecclesie Wormat. Omnibus presens scriptum intuentibus salutem in omnium sal- vatore. Quum humana vita brevis breviter in brevi finietur, casu cottidiano teste, felices illos estimare debemus, qui Dei gratia misericorditer inspirati, cum hora mortis nichil incertius habeatur, novissimis diligentia summa satagunt providere. Pia igitur consideratione, moti spe remunerationis eterne, in nomine Domini, ne intestati decedamus, quodabsit, de bonis nostris in Abenheim sitis, que ibidem iusto titulo emptionis libera et so luta ab omni onere servitii, preter censum Fuldensem et quin que Hallens. vulgariter dictos grevenphennige comparavimus, voluntarium conficimus testamentum. Legamus igitur dimidia bona nostra predicta in Abenheim ecclesie et conventui in Ot terburg, ordinis Cysterc. Mogunt. dyecesis, omni iure et modo, quo ea hactenus tenuimus, et ea resignamus dominis et con ventui predicto in Otterburg, et eos mittimus in corporalem possessionem per presentes ; quemadmodum fecimus coram scul- teto et scabinis in Abenheim, secundum quod curtis ibidem dinoscitur fore sita ; ita tamen quod dicti domini de Otterburg in remedium anime nostre et parentum nostrorum diebus sab- batis missas de domina nostra celebrabunt, nisi aliqua solemp- nitate superveniente, de qua oporteat celebrari, impediantur.

183

Preterea predicti domini et conventus in Otterburg participes nos faciunt omnium bonorum, que ibidem seu alias in ordine ipsorum missarum sollempniis, orationibus, ieiuniis, vigiliis per- aguntur. Et ut hec ordinatio nostri testamenti, secundum quod superius est expressum, rata permaneat et inconvulsa omni evo, patrui nostri dilecti Fridericus senior et Emicho, comites de Liningen, una nobiscum sigilla sua duxerunt presentibus appo- nenda. Datum et actum anno Domini m.cc.lxxxiiii. in cras- tino assumptionis beate Virginis.