Noverint universi presentium inspectores, quod nos Wiricus de Duna et Syfridus de Honecken admonitione bonorum ac pru- dentium virorum intelleximus, fratres ecclesie de Otterburg sin gulis annis graviter molestan in quibusdam sumptuosis expensis, quas faciunt annuatim super prandio, quod forestariis jnostris, quos habemus in silva, que dicitur Waltmarke, ex antiqua con stitutione in villa Gerswilre consuetum est ministran. Unde cum ex hoc nullum habeamus utilitatis emolumentum, et ecclesia de Otterburg gravetur, ducti pietatis affectu pro salute nostra, tam vivorum quam defunctorum, utriusque nostrorum cum consensu coniugis sue, nec non heredum sibi legitime succedentium ipsum prandium, ne de cetero detur, decernimus penitus relaxare, ea tamen forma, ut forestariis ipsis singulis annis personaliter com- parentibus proxima dominica post Martini unicuique eorum a sculteto predicte ville Gerswilre dentur viginti denarii commu- niter currentis monete, nichil amplius exacturis. Curie etiam, quas prefata ecclesia habet in eadem-villa, tam in pascuis quam in lignis surdis et vento cadentibus antiquo iure suo gaudebunt. Acta sunt hec anno domini m. cc. liii. Hec autem ut rata et inconvulsa permaneant, sigillorum nostrorum munimine confir- mavimus appensorum, videlicet nobilis viri domini C. .. silve- stris comitis senioris et mei S... pro nobis ambobus, quia ego Wiricus meum sigillum dudum perdidi captivatus. Datum Nan- nestul in dominica Invocavit.