Wir Rudolf vnd Ruprecht, gebruder, von Gotes gnaden Pfalntzgraven ze Rine vnd herzogen in Beyern, entbieden allen vnsern lieben vnd getruwen, vnserm vitzdom, vnsern mannen, burgmannen, allen vnsern amptluden vnde veugesten ze Altzei, zu Germersheym, zu Wachenheim, zu Strumburch, vnd allen den, die dorch vns istes dun wollent oder lazen, vnsern gruz vnd allez gut. Wir dun vch kunt, daz wir die erbern vnd geistlichen lute, den abt vnd den convent von Ottirburch vnd allez ir gut in vnsern schirm vnd hude genomen haben dorch des willen, daz sie Got vor vns biten sollen, vnd auch vnsere burgere ze Alzey sint. Darumme biden wir vch alle, die istes dorch vns dun vnd lazen wollen, vnd gebieden vesteclich bi vnsern hulden allen vnsern vorgenanten amtluden, die ietze sind oder hernach kummen, daz ir den vorgenant abpt vnd convent schirment vnd beholfen sind, alse vnsern eigen burgern, an allen sieden vnd sachen, wo sie vwer iegeliches bedorfent, dem sie mit dysem brieve zusprechent. Da dunt ir vns sunderliche dienst, ane des vwer ieglicher sunderlichen, der sie dorch vn sern willen gefurdert hat, zu irme rechten vns ermanen mag. Die auch des nit endeden, wan sie von vorgenanten von Ottir burch oder von irme boden ermanet worden, die heten wider vnsern willen, gebot vnd hude gedan. Und des ze orkunde geben wir disen brief versigelt mit vnsern eigen ingesigelen. Der geben ist ze Altzei, do man zalte von Gots geburthe dru

384

zehenhundert iar, darnach in dem ein vnd drizigesten iare, feria im. post Quasi modo.