In nomine sancte et individue trinitatis, patris et filii et spiritus sancti. Ego Heinricus abbas sancti Albani in Moguntia notum esse cupio tam futuris quam presentibus Christi fidelibus, quod quidam homines sancti Albani, iuxta terminos fratrum Ot- terburgensium eorumque claustro proximi habitantes, singulis aimis, secundum quod singulis iniunctum fuerat, conditionis sue iustitia ad hanc ecclesiam sancti Albani, cui gratia Dei presideo, detulerunt. Verum quia longe aliquantulum a confiniis ecclesie nostre habitare videbantur, extiterunt quidam Deo contrarii, qui violenter eos sibi vendicabant, tanto gravius ipsos aflligendo, quanto minus eos nostre defensionis patrocinium adesse sentie- bant. Unde cum nos pro hac eorum molestia graviter estuare- mus, illisque pro necessitate sua subvenire non possemus, accepto tandem prioris ac totius nostri conventus consilio, pari etiam familie eccelesie nostre assensu, et cum benevolentia domini (Conradi) archiepiscopi, pro bono pacis ecclesie pretaxate, sci licet Otterburg, libera commendatione donavimus, quatenus do- minus Albero abbas, cui eos contulimus, et sui regiminis suc-. cessores in partibus illis, sicut potuerunt, contra omnes invaso res ecclesie in necessitatibus subveniant. Ceterum nos eis in iustitia constituimus annuali, quatenus quilibet per domos omni occasione sopita fratribus de Otterburg in purificatione beate Marie virginis libram cere persolvant. Proinde siqua in futurum persona ecclesiastica vel secularis, per hanc paginam cogno- scens factum nostrum, hoc mutare hominesque prescriptos ad iniuriam Otterburgensium quoquo modo infestare, seu ab eorum ecclesie ditione abalienare temptaverit, si ammonita non corre- xerit, a Deo, ultionum domino, pro hoc se nimirum esse pud endum agnoscat.

1*

4