Iudices curie Spirensis. Tenore presentium ad publicam deducimus notitiam, quod anno Domini m.ccc.iiii. feria iii. proxima post dominicam, qua cantatur Misericordia Domini, coram nobis in figura iudicii constitutus Burkardus de ßuhel, tam pro se quam pro legitima uxore sua Elizabeth, recognovit et publice confessus est, quod bona religiosorum virorum .. abbatis et.. conventus in Otterburg in finibus Buhel sita, que ipsis religiosis ex parte Ebirhardi quondam dicti Sleich, pie memorie civis Spirensis, testamenti et iuris hereditarii nomine obvenerunt, que se in numero circa quadraginta unum iuger extendunt, conduxerit iure hereditario sub hac forma, videlicet quod annuatim eisdem religiosis novemdecim maldra siliginis Spirensis mensure in curiam ipsorum in Ditensheim in omnem eventum infra assumptionem et nativitatem beate Marie virginis assignet suis periculis, laboribus et expensis; ita sane quod post obitum ipsorum coniugum Burkardi et Elizabeth ipsa bona indivisa permaneant, sed ad seniorem heredem solummodo de- volvantur. Siquid autem de censibus vel precariis pecunie vel annone, vel quidquid aliud fuerit, inde datur hodie, vel in posterum dari contingit, hoc idem Burkardus et heredes sui totum dabunt et expedient pensione religiosorum propter hoc minime minorata. Et nichilominus ipse Burkardus vel sui he redes talia bona non poterunt nec debent alienare, vendere vel commutare. Ut autem omnia hec rata et firma permaneant, ipsi Burkardus et Elizabet communicata manu subpignorave- runt coram.. sculteto et scabinis ville Ugelnheim bona infra scripta, videlicet tria iugera agri campestris, unum situm in loco dicto Hoholtzgrabe apud agros senioris scultetisse, aliud situm iuxta locum dictum Wisen, et tertium situm iuxta Loher Graben ; ita sane quod si per ipsum Burkardum vel suos he- redes aliquid de prescriptis negligeretur vel transgrederetur, ipsi religiosi de Otterburg bona sua cum subpignoribus sibi réassumera et appropriare possunt contradictione qualibet non obstante. In quorum omnium testimonium et evidentiam sigil- lum nostrum ad petitionem prefati Burkardi presentibus duxi- mus apponendum. Actum et datum ut supra.

Otterberger Urkundenbuch.

17

258