Nos Iohannes Dei gratia decanus totumque capitulum ec- clesie Mogunt. Tenore presentium publice recognoscimus, et ad universorum tam presentium quam futurorum cupimus noti- tiam pervenire, quod cum reverendus in Christo pater ac do minus noster dominus Heinricus, sancte Mogunt. sedis archi- episcopus, sacri imperii per Germaniam archicancellarius, ter rena in celestia salubriter convertens, duas ecclesias parochiales et cappellam in villa Nerstein sitas, dicte dyecesis, cum suis iuribus et pertinentiis universis ex donatione patroni ipsarum ecclesiarum canonica, videlicet nobilis viri domini Hermanni de Hoenfels ac domine Kunegundis, sue conthoralis, honora- bilibus et religiosis . . abbati et . . conventui in Ottirburg, or- dinis Cyst. Mogunt. dyecesis, et eorum monasterio incorpora- verit in divini cultus agmentum favorabiliter et unniverit, prout in ipsius domini nostri . . archiepiscopi litteris super hoc con

393

fectis et sigillo suo sigillatís vidimus expressius contineri. Nos eorundem . . abbatis et . . conventus devotis nobis porrectis precibus inclinati, eisdem incorporationi ac unioni dictis . . abbati et . . conventui necnon eorum monasterio, ut premit- titur factis, ut relegatis a se mundanis illecebris celestium contemplationi liberius, commodius, ferventiusque insistere va- leant, nostrum consensum adhibemus presentibus voluntarium et expressum: ita sane quod proventus earundem ecclesiarum suis possint usibus applicare; assignata presbyteris, qui pro tempore officiabunt easdem, congrua de ipsarum ecclesiarum proventibus portione, unde et honeste sustentan valeant et supportare onera, que incumbent, domini nostri . . archiepis- copi memorati successorumque suorum, archidyaconi loci ac cuiuslibet alterius iure salvo. In cuius nostri consensus testi monium evidens et perpetuam roboris firmitatem sigillum ca- pituli nostri presentibus litteris duximus appendendum. Datum in Eltphil anno Domini m.ccc.xxxvii. in vigilia beati Lau- rentii martyris.