Ich Liebe, Bechtolfes seligen frauwe, veriehen vffenliche an dysem brieve vnd dun kont allen den, die in sehent oder horent lesen, daz ich dorch Got vnd dorch miner selen heil, "- mins mannes seligen Bechtolfes vnd alle miner altfordern, han gegeben vnwiderruflich zu eime rechten selegerede den geist lichen luden, dem . . abte vnd dem . . convente zu Ottirburg, grauwes ordens vnd Mentzer byschdumes, allez daz gut, daz hernach geschriben stet, vnd zu Albichen in deme dorfe vnd in der marken gelegen ist. Do von sollent sie mir geben mine lebedage alle iar drizig malter korngeltes Wormser maze, vnd ein fuder wingeltes, vnde sollent mir daz korn antworten zu Wormeiszen vor welch hus ich wil chuffen den zwein vnser frauwen dagen bit irre kuste vnde bit irre fure ; vnd den win zu herbeste. Und nach mime dode sollent sie geben miner dochter Gudeln Ockert ire lebedage sechs malder korngeltes vnd zwo amen wingeltes. Und nach irme dode sal daz korn gelt vnd daz wingelt ledeclich wider vallen offe die vorgenant heren von Ottirburg ane alle widerrede vnd anesprache mi ner erben. Diz ist daz gut: Zum ersten in dem velde gein Alzey vier zweideil zu Mulden, gevorhe Henneln Schulhmanne, vnd zwene morgen zu Drappenberg, anewender, vnd zwene morgen zu Langengewanden, gevorhe Baldemar Atzeman, vnde zwene morgen vnde ein zweideil offe Crummegewanden , ge vorhe hern Heinrich Lebersal, vnde vonf morgen zu Dreisen, gevorhe die hern von sancte Antonise, vnd einen morgen zu Wiriches Widen, gevorhe Atzemannes wiesen, vnd zwei zwei deil zu Viehetrift vf der Anewenden, vnd einen morgen an Atzemannes Brucken , gevorhe hern Heinrich Lebersal, vnd einen morgen vf Fulborn, gevorhe den von Otterburg, vnd vier morgen bi der Brucken bi Altzeier Wege, gevorhe den von sancte Iohane, vnd do bi vier zweideil, gevorhe lunker C. Droszeisze; vnd dar gein vber ein zweideil, anewender.

428

Zum andern male velde gein Spieszheim virdenhalbe morgen zu Sundernse, gevorhe den von sancte Iohane, vnd dri mor gen zu Velse, gevorhe den von sanete Anthonise, vnd vonf virteil zu Korsleiter, gevorhe heren Ebirharte, vnd vier mor gen zu Quidelnberg, gevorhe sancte Katherine cappellan, vnd einen morgen hinder Berge, gevore Ruse, vnd zwei zweideil zu Gazzen, gevorhe her Rost, vnd anderhalben morgen an Geispensheimer Wege, gevorhe iunker C., vnd anderhalben morgen anewender an Bybelnheimer Wege, vnde vier zwei deil an ßibelnheimer marken, gevorhe her Rost, vnd ander halben morgen of Kalkgruben, gevorhe den von Himmelgar ten, vnd einen morgen wiesen in den nazzen Wiesen, gevorhe her Rost, vnd zwei zweideil Wiesen, gevorhe Walt, vnd an dem ende des stuckes anderhalp zweideil wiesen, vnd zwene morgen Frentscher wingarte an Hohenberg, gevorhe Peter Sophien son, die gent alleiar ein halp malder korns den frau- wen von sancte Iohane, vnd vier zweideil wingartes zu Alten berg, gevorhe Scheffer, vnd ein virteil zu Altenberge, gevorhe Peter Rusze, vnd ein zweideil zu Ulriches Berge, gevorhe Frieseln, vnd zwene morgen zu Hutteberge, gevorhe her Rost, vnd zwei zweideil zu Gazzen, gevorhe sancte Katherinen cap- plan, vnd einen hof imme dorff vnd waz darzu gehoret, vnde einen garten hinder der Speden. Diz gut git alleiar zu zinse den Augustinern zu Altzey ein malter korngeltes von vier morgen an Alzeier wegebi der brucken, vnd den hern von sancte Albane virdehalbe virnzal vnd daz dritteil von zweien drielingen von zwein zweiteilen an Bybelnheimer marken, vnd von eime zwei- deile an Altzeier Wege. Anderwerbe sechs vnd zwenzig Hel ler in Slitzewecken hubhof vor allez recht, vnd zu sancte Peter zwene Heller, vnd zu vnser frauwen zun„Greden dri Heller, vnd zu der parren zwei pont oleyes von zwein zwoi- teilen an Fihe Trift. Es ist auch me geret, daz nach mime dode die vorgenant hern von Otterburg sollent daz vorgenant gut, daz ich han zu Altzei, glich deilen in zwei deil, vnd sollent sie ein deil nemen, vnd sal den frauwen von Weides vnd Elsen mime enkeln, .obe sie mich vberlebet, daz an der deil werden. Unde wand ich eigens ingesigels nit enhan, so biden ich die wisen lude den burgermeister vnd den rat von Altzei, daz sie disen brief wollen besigeln bit irre stede in- gesigel. Und wir der . . burgermeister vnd der . . rat von

429

Altzei veriehen vfTenlich, daz wir dorch bede willen der vor genant frauwen Lieben han vnserre stede ingesigel gehenkz an disen bricf. Der do wart gegeben, do man zalte in Latine anno Domini m.ccc.xlv. in crastino omnium sanctorum.