In nomine Domini, amen. Amore Christi facta donatio fir- mitatis cautelam meretur precipuam accipere, ne possit eam oblivio comes diuturni temporis infirmare. Notum sit igitur universis Christi fîdelibus, tam presentibus quam futuris presentis scripti continentiam inspecturis, quod ego Herlindis civis Mogunt. et Dudo dictus Puer, quondam maritus meus felicis memorie, ad honorem Jesu Christi ac sue sanctissime genitricis et pro remedio animarum nostrarum vineam unam in Paffenwysen si- tam ecclesie sancte Marie in Otterburg coram iudicibus et sca- binis in Lorche communicata manu dedimus et resignavimus, accedente heredum nostrorum consensu. Preterea ego eadem Herlindis iam dicte ecclesie in Otterburg pro remedio anime mee et mariti mei defuncti aliam vineam in Mannendal sitam de consensu heredum meorum legavi post obitum meum in perpe- tnum possidendam, ea conditione adiecta, quod sepulturam et plenam fraternitatis communiooem habeam in ecclesia memorata. Ne igitur itaque sepedicte ecclesie in Otterburg possit processu temporis aliquis de premissis dubietatis aut impedimenti scru- pulus suboriri, presentem paginam, quia proprium sigillum non babeo, procuravi venerabilium virorum iudicum domini C. pre- positi ecclesie Mogunt. sigillo muniri in testimonium ac perhen- nem memoriam premissorum. Datum Moguntie anno dominice incarnationis M. ce. xxvii, mense augusti.