Ich Alram auz der Awe tvn chvnt allen den di disen prief sehent oder horent lesen, daz ich mit wol verdachtem mvt vnd mit gvtem willen meiner hovsvrowen vron К at rein vnd aller vnser erben zv der zeit, da ich ez wol macht getvn han verchauft mein s aygen gvtez daez sant Bernhart ain praiten di da leit ob dez wegez gegen Vronhofen vnd ain prait hinter dem ziegloven vnd den se luz vnd ain akcher haizzet di hak vnd zwen akcher gen egen- prvnne di mich alle an erstarben sint von meiner ее genanten hovs vrowen wegen vron Katrein aus Prechtlins hof dez grveber mit rechter tailung, di selb akcher alle sant han ich gegeben vnd ver- chavft recht vnd redleich der geistlichen vrowen vron Elspeten der Aptessinn daez sant Bernhart vnd der Sampnvng daselb vmb hvndert phvnt wienner phenning, der ich genczlich gewert pin, mit allem dem recht vnd si her pracht sint in aygens gewer an allez voit fu éter vnd als sev graber orden haben schul. Vnd gelob in di ze schermen vnd auz ze richten vur alle anschprach, als sit vnd recht ist in dem land dacz Osterrich, vnd daz dise red vnd wandlung vnze- brochen peleib, so giw ich den oft genanten vrowen daez sant Bernhart disen prief versigelt mit meinem insigel vnd meiner svn insigel, Fridreichs, Hainreichs, vnd Engelprechts vnd mit meiner aydem insigel Perchtoldes von M einpold s- perch vnd Gotfrides von Aynód, di all mit sampt mir gelobt habent ze schermen di vor genante akcher fvr mein tohter Cristein, di noch nicht voitper ist, vnd auch fvr alle anschprach vnd schaden, der auf mecht gesten auf di oft genant akcher, vnd daz schullen sev haben auf allem dem gút, daz wir mit einander haben in Osterrich, wa si aller gernist haben wellen mit vnsrem gutem willen an alle chlag vnd anschprach, auch sint geczevg Gotschalch der Richter von Horn, Reimbot der hofrichter, vnd Chvn- rat der pvrkgraf von Schavenstain vnd frvm levt genvg ander vnser vmbseczzen. Diez ding ist geschehen vnd der prief ist

DES KLOSTERS ST. BERNHARD. 247

gegeben, da man von Christes gepvrd raitt Tavsent vnd drevhvndert iar vnd in dem acht vnd zwainczigisten iar an vnser vrowen tag ze d er Chvndung.