Ich Ott von WUhersdorf tvn chvnt allen leuten, di nusint oder her nach chvnftig sint, di disen prief sehen oder lesen horen, daz ich mein gvt ze Gravenperch ein phvnt geltz han verchauft hern fridreichen dem richter von Horn vmb dreiczehenthalb phvnt phenning, der ich schon gewert pin, vnd daz selb gvt han ich im verchavft vnd ledichlichen auf gegeben fvr recht freyz aygen mit meiner hausvrowen vronWilwirgenvnd mit meiner chinde C h v n- rates.Vlreichs, Margreten, Annen gvtlichem willen vnd mit ir hant vnd dar zv gelob ich vnd mein zwen vorgenant svne Chvnrat vnd Vlreich vnd mit samt vns mein gesweien her Vlreich vnd her Ott die Purcdorfer daz selb gvt ze schermen nach dez landez recht, im oder swem er daz gvt geben wil, also daz wir im oder swem er daz gvt gibt allen schaden ablegen schullen, den si vmb daz gvt nemen vnd dehainen anschprach mit dem rechten, vnd daz diez dinch gewiz vnd stoet sei, so gew wir, ich Otte von Wil lesdorfe vnd Vlreich vnd Vlreich vnd Ott die Purc dorfer hern fridreichen dem vorgenanten richter von horn vnd swem er diez gvt gibt disen prief mit den insigeln hern Stephans von Meyssow der Marschalch in Osterrich ist, wand ich Ott von Willersdorf nicht aygens insigelhan vnd mit Vnser peider insigel Vlreichs vnd Otten der Purc dorfer. Geczevg diez dinges sint der vorgenant herr von Meys- saw, vor dem diez dinch ist geschehen, her Adlolt von Cheyaw vnd her heinrich vnd her chvnrat sein svne, her Wul- finch von Svnberch, di dienstherren, her Vlreich von steten, her Herbort von Hoven, di ritter, her Hiltprant, her Ortolf, di Grillen, her Ott der neuneker vnd ander

DES KLOSTERS ST. BERNHARD. 233

pider leut vil. Diez dinch ist geschehen vnd diser prief ist gegeben daez Pulka, da man raitte von Christes gepvrt dreuezehen hvndert vnd drev iar an sant Vrbans tag.

Ich Hainreich von Stokorn vergich vnd tvn chvnt an disem prief allen den, di in nv oder hernach sehent oder lesen horent, daz ich auf ein halbe hofstat dacz Gravenperg, di da Elspeth di Zwetlerin hat von den vrowen dacz sant Bernhart vnd dient dreiezehen phenning hiet ein anschprach, wand ich nicht west wie si auz meinez vater gewalt, dez ye gewesen waz, chomen waz, da han ich genumen vmb ein halb phvnt phenning und verezeich mich allez meinez rechtes, daz ich vnd mein erben dar an moechten gehaben und gib di auf den vrowen von sant Bernhart in bru der Arnolcz ieres schaffers hant fvr rechtez aygen vnd pin dez ir scherm, als recht ist hie in Oesterrich, vnd gib in dar vber disen prief zv einer ewigen bestetigvng mit meinem insigel versigelten. Geczevg sint diez dingezh er HainreichvonStoycendorf.herMichel, herDyetmar, di brvder von Chadaw, her Ortolf, her Ortolf die brvder von Preitenaich vnd ander piderb levt genug. Diez dinch ist geschehen vnd dieser prief ist gegeben, da man von Christes gepvrde raitte drevezehen hvndert iar und vumf vnd zwainezigiar an sant veites tag daczEgenburch in der stat.

234 DAS STIFTUNGSBUCH