Ich Andre der Tuchel vergich vnd tun chunt allen den die disen prief lesent oder horent lesen, di nu sind vnd her nach chunffig werdent, daz ich mit rat vnd mit guetem willen meiner hous- vrowen vron Anne vnd aller meiner Erben vnd vreunt verchauft hab meins rechten aygens fvnftzehen phenning geltes purchrechtes auf drin Ekchern datz nidern Gloknitz den erbern geistleichen vrown, vron Ann Abtessinn vnd der Samnung datz sant Bernhart. Ich hab in ouch verchauft funftzig phenning Geltes auf ainer halben hofstat in dem selben doif, die meins prüder Mer- teins des Tuchel rechtes aygen gewesen sind, vnd dar zue allez daz recht, daz ich vnd mein prued er Mert vnd all vnser vodern in dem selben dorf gehabt haben, ez sei zedorf oder ze veld an visch- waid oder wie ez genant ist, daz hab ich allez verchauft den egenan- ten vrowen datz sand Bernhart vmb sechsthalb pfunt phenning, der ich gar gewert pin, vnd die selben sechsthalb phunt hab ich ver golten fur meinen prueder Mertein den Juden vnd Chun raten demHadmarstorfer. Vnd wann mein prueder Mert ain Tochter lazzen hat, die ze der zeit zu ieren iaren nicht chomen waz, vnd ich die funftzig phenning geltes von eehaften not daz ich meins prueder gelt do von vergúlt verchauffen muest, dor vmb so setz ich mich vorgenanter Andre der Tuchel vnd mein housvrow vroAnn vnd all vnser Erben den egenanten vrowen datz sand Bernhart fur meins prueder Tochter vnd fur alle ansprach ze rechtem gwern vnd scherm, als aygens recht ist vnd des landes gwonhait in Osterreich, vnd waz in mit recht dar ab gieng, des schullen si bechomen mit vnserm guetem willen von uns vnd von all dem gut, daz wir haben oder gewinnen in dem land ze Osterreich.

DES KLOSTERS ST. BERNHARD. 301

Vnd daz di sach fvrbaz stet vnd vnczeprochen beleib, dar vmb so gib ich disen prief versigelten mit meinem Insigel. Ditz dinkch sind ge- zeug mit iren Insigeln mein h err, her Ott von Liech- t e n s t a i n vnd Chunrat der Hadmarstorfer dem di pfenning vergolten sind. Der prief ist geben, do man zalt von Christi gepürd drewtzehen hundert Jar dar nach in dem Aimftzigistem iar an dem heiligen Sunnbent Tag.