Ich Alber gehaizzen von Marchard esdorf tvn chunt allen den, di disen prief sehent oder horent lesen, daz ich mit gvtem willen vnd mit gvtem rat meiner hausvrowen vron Reich garten vnd aller meiner erben vnd auch -vreunt zv der zeit, da ich iz wol getvn macht, han verchauft meinz aygenhaftez gutez sechczig phenning geltz an sant michels tag vnd sechczehen meczen habern an sant Gilgen tag vnd zwelif chez zv drin hohzeiten ostern, phingsten, weinachten ze der hoеhczeit vier ches, und der ches sechs phenning wienner munzze, vnd zv den ostern vierczig ayer, drew huener, zwai herbst hünrr vnd ein vasschang huen vnd ein gemestev gans an sant Merteins tag, di daligentdacz Fvenveld auf einem lehen den geistlichen vrowen vron Elspeten zv den zeiten Aptessinn vnd der Sampnung dacz sant Bernhart vmb zwainczig phvnt phen ning wienner munzze, der ich recht vnd redleich gewert pin mit allem dem recht vnd ich ez vnd alle mein vodern her pracht haben in ay- gens gewer ze veld vnd ze dorf, versucht vnd vnversucht, vnd geloben in di selben gült ze schermen vnd ze vrein fvr alle ansprach nach dez landes recht in Oesterreich. Waz in dar an ab gieng der vorge nanten sampnung, daz schullen si haben auf allem dem, daz ich in dem lande ze Oesterreich (hab) vnd daz dise wandlung staet vnd vn- zebrochen peleib so giw ich den ее genanten vrowen dacz sant Bernhart disen prief versigelten mit meinem insigel vnd mit meins herren hern St ер h a n s insigel von meyssawe marschalch in Oesterreich, vor dem diser chauf ergangen ist. Diez dingez sint gezivg Friedreich, pendleins svn vnd Reimbot hof- richter ze den zeiten vnd Chvnrat sein prvder vnd ander piderw leut genvg. Diez dinch ist geschehen vnd diser prief ist ge geben , da man von �?hristes gepurt raitt dreuezehen hundert iar vnd in dem zwai vnd dreizzigistem iar an dem sunewent tag.

Pontes vi.

18

274 DAS STIFTUNGSBUCH