Ich Offe von Arberch und ich Gertraut sein hausfraw wir veriehen und thuen khundt allen den, die disen brüef lesen oder hören lesen, die nu leben und hernach khunftig seindt, das wir mit unser erben gueten willen und gunst, mit verdachtem muete und mit gesambter handt zu der zeit, da wir es woll gethuen möchten, recht und redlichen verkhauft haben unsers rechten aigens ain holz, das da leith under Arberch in dem Laubpache an dem perge, der da haist der Rauchenwarth, und was darzue gehört, mit wurtzen mit alle, mit allem dem nutze und rechte, als wir dasselbe holtz in aigens gewehr hergebracht haben, umb vier pfundt pfening Wiener müntze, der wir gahr und gentzlichen verricht und gewehrt sein, dem erbarn manne" Meynhartten vom Khaunberg und vron Perchten seiner hausfrauen und ihr baider erben, und das sie füerbas von uns haben sollen zu rechtem purckhrecht, und sollen uns alle Abschriftr davon dienen an sant Georgen tag zwainzig Wiener pfening unnd nicht mer, ledigkhlichen und freileichb zu haben und allen iren frumen damit zu schaffen, verkhaufen, versetzen und geben, wehm sie wollen an allen irrsall; und durch pesser sicherhaidt so setzen wir uns, ich vorgenandter Offe von Arberch und ich Gerthraut sein hausfraw, unverschaidenlichen mitsambt unsern erben dem egenanten Mainhartten von Kaunberg und vron Perchten seiner hausfraw und ihr baider erben über das vorgenandte holtz und was darzue gehört mit wuertzen mit allem, als vor geschriben stet, zu rechtem gewern und scherm für alle aensprach, als pergrechts recht ist und des landes rechte zu Österreiche. Und das der khauf und die sachec forbas als Städte sein, darüber so geben wir in disen brüef zu einem offen uhrkhundt und zu einem wahren gezeugen und zu einer ewigen vestung dieser Sachen versigelt mit unserm insigel. Dieser brüef ist geben zu Wien nach Christus gebuerth dreizehen hundert Abschriftr darnach in dem fünfundreissigsten Abschriftr, an sant Mathias tage vor vaschang

Source Fulltext: Herold