Ich Cainrath von Arberch und ich Elsbet sein hausfraw und ich Off sein söhn wür vergehen und thuen khundt füer uns und alle unser erben offenbar mit dem brüef allen den, die in sehen oder hören lesen, die nun sunt oder hernach khunftig werden, das wir mit wolverdachtem mueth mit rath und gunst aller unser freündt zu der zeit, da wür es woll gethuen mochten, recht und redlich zu khaufen haben geben herrn Georgen dem Kherschpöckhen, brueder und gehorsamber da zu sankt Mariazell, unsers rechten aigens achzehen pfening und ain pfundt pfening gelts, gelegen in Khaunberger pfarr auf dem gueth, das hernach geschriben stet, im Spilbach auf des Poschen hof, dieselben aehtzehen pfening und das pfundt pfening gelts mit allen den nutzen und rechten, als es von alter heerkhomben ist und als wür es in aigens gewehr heergebracht haben, umb achzehen pfundt Wiener pfening, der er uns gantz und gahr verricht und gewett hat, also das er allen seinen frum damit soll schaffen, verkhauffen, versetzen, geben wehm er will mit unser aller gueten wille an all ihrung. Gieng aber dem vorgenanten Georgen dem Kherschböckhen auf das vorgeschriben guet und gelt iecht khrieg oder ansprach mit recht, das soll wür im ausrichten und richtig machen ohn allen sein mühe und soll er haben auf uns unverschaidenlich und auf allem deme gueth, das wür haben in dem landt zu Osterreich oder wo wür es haben, das lob wür im stät zu haben mit unsern threuen. Und zu pessern sicherhait, das der obgeschriben khauf stät und unzerbrochen bleibe, des geb wür, ich obgenanter Chuenrath von Arberch und ich Off sein söhnen, im den brüef zu einem wahrem uhrkhunt, versiglt mit unsern baiden anhangunden insigln. Und sein auch gezeug herr Rueprecht der Schwehe und Hans der Theufl mit ieren baiden anhangunden insigln. Der brief ist geben nach Christy gebuerth dreiczehenhundert Abschriftr darnach in dem sibenundsechzigsten Abschriftr, des nächsten sontags nach sant Abschriftcobstag.

Source Fulltext: Herold