14. November 1397.

In gades namen Amen. Wy Ulrich unde Gunther brodere van godes gnaden Greven thu Lyndon bekennen openbar vor uns, unse erven unde nakomeden, unde wyllen, dat id wytleken sy allen Cristen Lyden, dat wy med vorbedachten mude, med guden wyllen unde med rade unses ge- truwen rades unde manne hebben vorkoft, gelaten unde voreygent, unde vorkppen, laten unde vorey- genen med gantzen eygendome in dessen sulven bryve der vorsichtegen Mechtilden, Peter Eyken we- dewen, deme god gnade, eine mark brandenb. sul- vers unde wycht jarliker renthe, upp thu borende alle jare uppe ßunte Johannis baptisten daghe, alze he gheborn wart, med aller rechticheit, alse unse olden vor, unde wy nu na van unser herscap ghe- had unde beseten hebben, uppe dy Vere thu INyen Ruppin aver dy See thu deme Krangen vor twintich mark brandenburg. Sulvers unde wycht, dy sy uns med reden gelde an guden beymeschen Kroschen, alse achte unde eyn Schock jo vor islike mark, wol thu danke bereidet heft, dy wy vortan in unse unde unser erven unde nakomeden nud ghekeret hebben. , Desse mark jarliker plege heft dy vorbenumede Mech- tilt vort lutterlike dorch god gegeven; dat men dar- med scal holden eyne Lampe, dy plegelike bernen 6Cal, beyde dach unde nacht in der parrekerken dar- sulves thu Nyen Ruppin vor unser lyven vrauwen altar. So alse Peter Eyke an syne levende unde sy- nen lesten wyllen, unde Mechtild, syne wedewe vor- benomedj dy salve Lampe thu testament unde sali

Urkunde vom Jahre 1397. 345

cheyt erer sylen unde erer elderen albeide eindrech- like uppgenomen unde bescheiden hchben. Unde desse vorscreven Mark mach Mechtild vorbenomet uppboren, unde dy Lampe daraff holden unde vor- stan, dat sy vort ewichlike berne unde blyve. Dar- thu scolen also dy perrer unde dy radmanne med gantzen truwen behulpen syn. Ouk scal men den Underkoster vor syne arbeid, uppe dat dat he dy sulve Lampe destu bat warneme, van der sulven mark eynen halven virding alle jare geven. . Hir- umme so begere wy med unsen erven unde nako- meden der guden saligen werke dylaftigen Um we- sende, unde hebben med guden, vryen unde vorbe dachten mude unde wyllen unde rade ghegeven, unde geven med kraft desselven bryves tho der vorbeno- meden Lampe uppe dy vorscreven mark jarliker ren- the den Egendum gentzliken vul unde al, med aller nud, vryheit unde med allen rechte. Unde wy vor- saken, vorlaten unde treden aff alles rechten, aller anvallunge unde eygendume der sulven vorscreven mark jerlike renthe, dy uns, unsen erven unde na- komeden ummer vortmer tim behoren, anvallen eder Umkommen muchte in ewyger tyd, unde wy neyne ansprake noch recht daran beholden. Unde wy heb ben des thu eyner openbarer betughenisse unse gro- ste Ingezegele wytlcken an dessen bryff laten beu gen. Thuge desser dingh synt dy erleken Lude her Nicolaus Melwendorp, parrer thu Nien Kuppin, De- neke van Gulen, Jurien Poppentyn, Mathias von Arnstorp unde Johannes von Redern unde mer er. barn Lüde genuch, dy lovenwcrdich syn. Ghegeven uppe unsen Slote thu Olden Ruppin. 3Na Codes bord MCCCLXXXXVII. des Myddeweken na sunte merten dage des hilgen byschope.

346 Huppiii u. d. Cr. v. Li-ndow.

CCXXUI.