CCLXX.

1473. 15. Juli. Manchen.

Vertrag eines Baues wegen.

Ich Jorg dyesser der schreiber purger zu munchen vnd ich anna Spornegkerin sein eliche hawsfraw Bekennen fur vns vnd all vnnser erben vnd nachkomen offenlichen mit dem brief Als wir mit dem erbern vnd weisen mann hanusen von winshaim goldschmid dem eiteren purger zu munchen vnd mit magdolena seiner hawsfrawen etliche zeitt in Irrung gewesen sein von dreier venster vnd liecht wegen die binden aus Irem hawsz

femacht sind vnd gend gegen vnserm höflen Also sein wir von er selben dreyer venstef vnd Jiecht wegen durch die hernach geschriben die zeitt der Statt hie zu munchen pawmaister vnd werchlewt spruch mit einander verricht entschaiden vnd ver aint worden auf ain gancz ende das in die drew venster vnd liecht beleiben vnd nit weitter gemacht werden sullen vnd sul len vns von der selben dreyer venster vnd liecht wegen geben XI gulden reinisch die si vns zu rechter zeit vnd weil on allen vnsern schaden berait ausgericht vnd bezalt haben herauf so sullen vnd wellen wir obgenante zway wirtlewt Jorg dyesser vnd anna sein hawsfraw vnd vnser erben noch gar nyemant anders von vnsern wegen vnd all vnser nachkomen die vnser haws vnd hoffstat furhas Inn haben zu dem obgenanten hansen von windshaim magdalena seiuer hawsfrawen noch zu chainen Iren erben vnd nachkommen von der obgenanten dreyer venster vnd liecht wegen Nun hinfur ewigklichen nichts mer ze uodern noch zesprechen haben wenig noch vil weder mit recht noch on recht In kain weis wir vnd all vnser erben vnd nachkomen sullen vnd wellen In auch dieselben liecht nicht verlainen noch uerpawen Doch so sullen si durch dieselben venster nichts ausz

390 Momimenta

giessen schütten noch werden In kain weis on genärde Ob aber sach wer das wir h in fur miteinander zwischen vnsers Höffles vnd Irer stallnng mauren wurden das ein mawr auff gefürtt würde vnd das die Iiecht vnd venster Irren wurd vnd das wir im maurstatt geben so sullen si mit den zwain nideru venstern rücken als vil si die maur Irren wurd vnd widér von In mit der weitt gemach* werden In obgeschribner masz vnd sullen hinfur nit mer verrucktt noch verkert werden Der sach sind tädinger vnd spruchlewt gewesen die erberen vnd weisen vnd beschaiden Eberhart pogner Hanns Stainawer, maysterJorg von polling der Stat münchen maürer vnd pawmaister Hanns Hamers- perger Sygmund metschenck vnd maister chunrat zymerman all Sechs purger zu münchen Des alles zu vestem warem vrkunde so geben wir uorgenante zway wirtlewt Jorg dyesser vnd Anna sein hawsfraw den uorgeschriben zway wirtlewten Hansen von winszhaim vnd magdalena seiner Hawsfrawen vnd allen Iren nachkomen disen brieff uersigelt mit des fürsichtigen vnd weisen wilhalmen golenhütter die zeitt vnderrichter zu münchen anhan genden Insigel das er von vnser paider vleissiger pet wegen an den brieff gehenckt hatt doeh Im vnd seinen erben vnd In sigel on schaden Darvnder wir vns verpunden haben pei gntten trewen fur vns vnd all vnser erben stätt vnd vest ze hallten Innhallung des brieffs trewlieh on geuärde Zewgen der pet vmb das Insigel sind die erberen vnd beschaiden Hanns arb der gold- schmid vnd Cristan prawn der Kramer paid purger zu münchen vnd ander erber lewt genug Geben Vnd geschechen an montag vor sand Jacobs tag des heiligen zwelffpoten da man zalt von Cristi gepurd vnsers lieben Herrn tausent vierhundert vnd in dem drew vnd sibenczigosten- Jar.

(�?. S.)

civitatis monacertsis.