CCLXIV.

1469. 17. März. Grunwald.

Herzog Sigmund erlaubt Hansen von Winshaim vor der alten Veste einen Bau zu führen.

Von gotts genaden Wir Sigmund Pfallunczgraue bey Rein Herczog in Obern vnd Nidern Bayru etc. Bekennen offennlich mit dem briene fur vnns vnd all vnser erben vnd nachkomen Als von wegen des paus mit der hoch vnd prait Auch mit maur dach Hecht vnd tropfstal so vnnser burger vnd lieber getrewer Hanns von Winszhaim Goltschmid vnd Magdalena sein haus- fraw an vnd auf Ir haus vnd laden bie zu Munieben aneinann

48*

380 Monumeiita

der vor Vnnser alhen Vesst gelegen getan haben Allso haben wir In von besonndern genaden solhen paw mit der hoch vnd prait auch mit liecht maur dach vnd tropfstal wie sy den getan haben mit vnuserm guien willen vnd wissen erlaubt vnd gegunnet, doch allso das sy den nit hoher noch weyter pauen an vnnser wissen vnd erlauben denn als der yeczo Ist Sonndër auf den brief den der Hochgeboren furst vnnser lieber anherr Herczog Ernnst saliger loblicher gedachtnuss Ireiu Sweher vnd vatter dem freiberger saligen geben hat denselben brief wir In mit aller seiner gerechtigkait vnd Innhalltung bestatten in krafft des briefs in solicher mass das sy vnd all Ir erben vnd nachkomen solich Ir haus vnd laden mit Hoch prait maur dach liecht vnd tropfstal mit allem zugehoren Innhaben brauchen nuczen vnd uiessen vnd allezeit damit hanndeln tun vnd lassen sullen vnd mugen nach Ir notturfft wie vnd wes sy uerlusst als mit ann- derm Irem aigen gut an Irrung vnd widersprechen vnnser vnd vnnser erben vnd allermaniklich- Des zu warem Vrkundt geben wir Ine den brief mit vnuserm zurugk aufgedrucktem Secret versecretirt zu Grunwalld an freitag nach Letare Inn der vassten Anno domini etc. Sexagesimonono.

(c. SO CCLXV.

1469. 18. Mai. Muenchen.

Bekenntniss Hansen und Sixten der Sittenpekken um ein ihnen von dem Kloster Schäftlarn verliehenes

Fenster.

Ich Hanns vnd ich Sixt die sittenpeck hayd pierprew vnd burger zu Munchen Bekennen offenlich mit dem brief fur vns vnd fur alle vnser geswistergeyt vnd fur all vnser erben Als

civitatis monacensis. 381

von des uensters wegen das aus vnserm hawsz gett das vnser ratter Jacob sittenpeck saliger erkauft hat von dem zacherl weher vnd das in des von scheftlarn gartten gett Als wir dan das bisz her von dem wirdigen goczhawnz zw scheftlarnn In- gehabt vnd genossen haben vnd das vns nu das bemelt venster der erbirdig vnd geystlich herr her lienhart völckel brobst zu scheftlarn vnd sein Conuendt, weytter vergundt vnd verlihen haben, Also vnd in solicher masz all die weyll wir das vmb den bemelten herren vnd nachkomen vnd Conuendt, Auch vmb das goczhawsz zu scheftlarn verdienen vnd das nit widerruffen So mugen wir das venster oben gemelt, Innhaben nuczen brau chen nach vnser netturft, Doch sullen wir vnser erben vnd nachkomen oder wer das obgenant hawss vnd hofstat Inuhat nichtz dacz dem venster nichtz hin ausz schutten noch giessen vnsawbers Sunder wir sullens sawber halten vnd wenn dann der bemelt herr sein nachkomen vnd Conuendt des vensters nicht mer haben noch "erleyden wolten So sullen vnd wellen wir vnser erben oder wer das benaut hawsz vnd hofstat Innhat das bemelt venster zumachen vnd maurn an allen iren kostumb vnd schaden wann vns das der bemelt herr vnd sein Conuendt, von sundern genaden wegen vns das venster vergundt haben vnd von kainer gerechtikaytt wegen nicht vnd ob wir vnser erben oder wer das obgenant hawsz vnd hofstatt Innhat von des bemelten vensters wegen wolten reden kriegen rechten geystlich werltlich mit recht oder an recht wie das bekam das hat der oftgemelt herr sein nachkomen Auch sein Convendt, mit dem ersten Rechten oder furkomen erlangt behabt vnd gewunnen vnd wir vnrecht vnd verloron an widerred vnd auszug trewlich angenar vnd des zw warem vrkunt so geben wir obgenant czwen sittenpeck fur vns vnd vnser erben dem uorgemelten herren seinen nachkomen vnd Conuendt den brief Besiglt mit des fursichtigen vnd weysen Wilhalem golnhuetters diezeit vnt- terrichter zw Munchen aygem Anhangenden Insigl besiglt durch vnser hayder vleyssigen bett willen Doch im vnd seinen erben und Insigl an schaden Dar vnder wir vns uerpinden mit unsern

Monnmenta

trenen alles das war vnd stat zu halten wie uor an dem brief geschriben stett zewgen der bett umb das ïnsigl sind die erbern hanns beilhamer pierprew vnd hanns hilffdirselbs huefschmid hayd burger zu Munchen Der brief ist geben an pfincztag vor dem heyligen pfingstag Nach Cristi vnsers lieben herren ge- purde Tausent Vierhundert vnd in dem Nenuvndsechczigisten Jare etc