Wir Karl von gots gnaden Römischer Keiser, zu allen zeiten merer des Elchs vnd konig zu Beheim, bekennen || vnd tun kunt offinlich mit diesem brieue allen den, die yn sehen odir hören lesen, daz vor uns ist kommen Dlcze Mulich von Vfenau vnd hat vns vorgeleget, wie daz forstmeisterampt in dem Budinger wähle vns vnd dem heiligen Riche von todes wegen etwenn Frideriches Forstmeisters ledig worden sei vnd hat vns flehelich gebeten, daz wir ym von angeborner gute dazselbe forstmeisterampt geruchen zu lihen, des haben wir angesehen seine stete getruwe dienste, die er vns vnd dem Riche offt getan hat vnd noch tun sol vnd mag in künftigen zeiten vnd haben ym mit rechter wizzen vnd keiserlicher macht dazselb forstmeisterampt geluhen vnd lihen an diesem brieue mit allen nutzen, rechten vnd zugehorungen, wie ez vns vnd dem heiligen Riche veruallen ist odir ledig worden, vnschede- lich doch uns, dem Riche vnd andirn luten an yren rechten, denen so gebitten wir allen vnsern vnd des heiligen Richs ge- truwen vndertanen, daz sie den vorgenanten Ditzen nicht hin dern odir yrren sullen wieder diese gegenwertige gnade als liep sie vnsir vngnade swerlich wollent vermiden.

Mit vrkund ditz brieues. versiegelt mit vnsir keiserlichen Maiestat Insiegel, Geben zu Brunne nach Cristus geburt druc- zenhundert Jar, darnach im Sechtzigestem Jar am nechsten Dinstage vor vnsers hern vffart tag, vnsirer Riche in dem viert- zenden vnd des keisertums in dem Sechsten Jare.

Cor. per Milicznin de Chremsir. S)ii8 faiferlidjc ajiajeftäteftegel ift jicmüdj gut erhalten.

2�?U8 betn Originale im MrdjtDe ju Tübingen. ч' .' ' .-i-ЭЛ t

— 173