In nomine domini amen. Anno a nativitate eiusdem millesimo quinqua- gesimo vicesimo quarto indictione duodecima die tertia mensis decembris hora vesperarum vel quasi pontificatus sanctissimi in Christo patris et domini no- stri domini Clementis, divina providencia pape septimi, anno secundo in arce oppidi Onoltzpach in mei notarii publici testiumque infra scriptorum ad hoc specialiter vocatorum et rogatorum presencia personaliter constitutus illustris- simus princeps et dominus, domiuus Albertus, ordinis Theutonici magnus ma- gister, marchio Brandenburgensis, Stetinensis, Pomeranie, Cassuborum et Scla- vorum rex, burggravius Nurmbergensis ac Rugie princeps, Herbipolensis dio- cesis, dicens et proponens, cum alias illustrissima dominatio sua superioribus diebus reverendissimis et illustrissimis principibus et dominis Ioanni Alberto, metropolitane Magdeburgensis et cathedralis Halberstadensis ecclesiarum coad- iutori, et Gumperto, maioris ecclesie Bambergensis canonico, germanis fratribus suis charissimis, coniunctim et divisim et quibusvis eorum legittimis heredibus masculini sexus, precipue autem ab illustrissimo principe domino et genitore eorundem, videlicet domino Friderico marchione Brandenburgensi natis et ex iisdem natis adhuc legittime nascituris titulo mere liberalitatis et irrevocabilis donationis inter vivos pro se et quibuscunque ordinis et status sui successo- ribus curiam eiusdem ordinis sui in urbe Romana sitam cum omnibus et sin- gulis eiusdem edibus, edificiis, privilegiis, libertatibus, emunitatibus, redditibus, censibus, accessibus, ingressibus et egressibus, pertinentiis, adiacentiis, cohe- rentiis et servitutibus suis usque in vias publicas et cum omnibus, que infra predictos continentur fines, perpetuo iure possidendas dederit et concesserit ac omne ius et actiones pro eisdem competentibus in eos transtulerit, quemad- modum in litteris et inscriptionibus desuper confectis et emanatis plenius con- tinetur, idque beneficentie et liberalitatis sue munus idem ipse illustrissimus dominus magnus magister Prussie etc. pro innata sua in predictos suos fratres

germanos et eorundem heredes natos et nascituros benevolentia et observantia cupiat pro honore et commodis eorum perpetua firmitate et robore subsistere atque adeo predictam donationem per sanctissimum in Christo patrem et do- minum nostrum dominum Clementem septimum, divina providentia sacrosancte Romane ac universalis ecclesie summum pontificem, de specialis dono gratie auctoritate apostolica fulciri, ideoque predictus magnus magister principalis prin- cipaliter pro se ipso, citra tamen quorumcunque procuratorum suorum per eum hactenus quomodolibet constitutorum revocationem, omnibus melioribus modo, via, iure, causa et forma, quibus melius et efficacius de iure potuit et debuit ac potest et debet, fecit, constituit, creavit et solenniter ordinavit suos veros, certos et legittimos et indubitatos procuratores, actores, factores negotiorum- que infrascriptorum gestores et nunctios speciales et generales, ita tamen quod specialitas generalitati non deroget nec econtra, videlicet venerabiles, validos et circumspectos viros dominos magistrum Andream Puel, prepositum in Orin- gen, Theodericum de Redenn, Ioseph(um) Feyerabent, scolasticum et canonicum ecclesie divi Gumperti in Olnotzpach, et Ioannem Semelich, vicarium eiusdem ecclesie, absentes tanquam presentes et eorum quemlibet in solidum, ita tamen quod non sit melior conditio primitus occupantis nec deterior subsequentis, sed, quod unus eorum inceperit, alter eorundem id prosequi valeat, mediare pariter et finire, ad ipsius domini constituentis nomine humilj qua poterit devotione predicto sanctissimo domino nostro supplicandum et apud eundem et eius apostolicam sedem ac celeberrimum sedis eiusdem cetum reverendissi- morum dominorum cardinalium ipsosque dominos cardinales sigillatim instan- dum, quo predicta irrevocabilis donatio antedictis fratribus et eorum heredibus ut prefertur facta plenissima apostolice dignitatis auctoritate corroboretur et confirmetur, ut eadem sanctitas apostolica de sue apostolice potestatis pleni- tudine ac certa eiusdem scientia omnes et singulos defectus et solemnitates, si qui vel que in eadem donatione de iure vel de facto existunt, misericorditer et gratiose suppleat atque ut eadem sanctitas apostolica etiam de sue potesta- tis plenitudine similiter omnibus et singulis predicti Theutonici ordinis privi- legiis, libertatibus, emunitatibus, constitutionibus etiam iuratis et consuetudi- nibus ceterisque quibuscunque in contrarium facientibus ad pleniorem effe- ctum consequendum omnimode in hiis derogare dignetur, et generaliter omnia et singula in hiis faciundum, dicendum, gerendum et exercendum, que in pre- missis necessaria fuerint seu quomodolibet oportuna et que ipsemet dominus constituens faceret seu facere posset, si premissis presens et personaliter in- teresset, etiam si talia forent, que mandatum exigerent magis speciale, quam presentibus est expressum, unum quoque vel plures procuratorem seu procu- ratores loco sui substituendum eumque vel eos revocandum et eius procura- tionem in se reassumendum totiens, suis1 procuratoribus predictis seu eorum alteri placuerit seu visum fuerit expedire, relevans nihilominus et relevare vo- lens dictHs illustrissimus dominus constituens prefatos suos constitutos ac sub-. stituendos ab eisdem seu eorum alteri ac ipsorum quemlibet ab omni onere

satis dandi, iudicio sisti et iudicatum solvi sub ypotheca et obligatione omnium et singulorum bonorum suorum mobilium et immobilium presentium et futu- rorum ac omnium iuris et facti renunctiationum ad hec pariter et cautela, de et super quibus omnibus et singulis premissis prefatus dominus constituens sibi a me notario publico infrascripto unum vel plura publicum seu publica fieri confici petiit instrumentum vel instrumenta. Acta sunt hec anno, in- (dictione)'1, die, mense, hora, pontificatu et loco, quibus supra, presentibus ibi- dem nobilibus et honestis viris Melchiore de Rabenstein Bambergensis, Georgio Clingenbeck Pataviensis et Cristofero Gallenhoffer Herbipolensis diocesium te- stibus ad hoc specialiter rogatis atque requisitis.

(Signum notarii./ Et ego Georgius Bonemilch clericus Moguntine diocesis, publicus . sacra apostolica auctoritate notarius, quia dictis procurationi, consti- tucioni, potestatis dationi, ratihabitioni, relevationi omnibusque aliis et singulis premissis, dum sicut premittitur fierent et agerentur, una- cum presentibus testibus presens interfui eaque omnia et singula sic fieri vidi et audivi, ideoque in notam recepi et quia hoc presens pu- blicum instrumentum in fidem omnium et singulorum manu propria fideliter conscriptum exinde confeci, subscripsi, publicavi et in hanc publicam formam redegi signoque et nomine meis solitis et consuetis signavi.

Ex originali, quod asservatur in archivo sccretiori Berolinensi. 1. Or., 1. quotiens?

2. dictione scriba scriberc oblitus est in initio lineae.