Je Boemund per la grace de deu prince d'Anthioche et coms de Triple fais a saver a ceuas, qui sunt e qui avenir sunt, que je doing1 et otrei e con- ferm en aumoine perdurablement por 1'arme de mon pere et de ma mere e per 1'arme de moi et de m'espose e de mes enfanz e de mes ancesors e de mes successors et1 a tei frere Hermant, honorable maistre de la sancta maison de nostre dame de 1'hospitau des Alamans et au convent et as freres, qui sont et qui seront de la dita maison, mon molin, que je achetai e fiz faire fors des murs de la cite d'Antioche, le3 quel molin a iii peires et vos i poes metre la quarta, e si siet sur le fer desoz le molin del patriarche; et vos doing4 totes les apartenences dou davant dit molin en aygues, en rentes, en pescherie et en totes autres drotures et vos doing tel franchise, que tuit cil, qui vou- drunt modre a vostre molin par la dreiture payant a vos ou a celui, que vos i mettres, que il faire le poissent sens contradit et sens defense, que je ni heir, que je aye, metre y poissont. Et vos doing la vigne, que je fis planter pres de celui meesmes molin, et le pressoir et la terre en que la vigne est; lo quel molin et la quel vingne et le quel pressoir et la quel terre o tote lur aparte- nences en1 aygues, en rentes et en pescherie tu, frere Hermant maistre de la maison de 1'ospital5 des Alamans et lo convent e li frere, qui sont et seront de cela meisme maison ayes et teingnes pardurablement franchement et qui- tement en haumoyne sens dreiture e sens acostumance, que je ni heir que je aye requerre i pouissons ni deons. Et por ce que je vueil, que ceste chose seit firme et estable, je ai fait seeler cest present privilege de mon seau de plom et confermer de garens desoz escriz, des quels ces sunt les noms: Boemont, li sires del Botron; Guiscart de 1'Isle; Bertran Porcelet; Amauri Saleman°; Pierre de Scandalion; Raimund Arra; Manssel de Gibel; Auberi de Ranquerole. Cest privilege est fait 1'an del incarnation de nostre seignor m° et cc° xxvii en mois de janveir.

I, 35 n. 81. 1. dong B. 2. 7 B et sie saepe. 3. en B. 4. vox obscura correctia aliquibus literis: doni(e)g B. 5. desospital B. 6. 1'Aleman?