Honorius episcopus servus servorum dei venerabilibus fratribus archi- episcopis et episcopis etc. salutem et apostolicam benedictionem. Si discri- mina, que dilecti filii fratres hospitalis sancte Marie Theotonicorum Ierosoli- mitani pro defensione christianitatis cotidie sustinent in partibus transmarinis,

et beneficia, que pauperibus subministrant, consideracione sollicita pensaretis, non solum ab eorum molestiis cessaretis, sed alios studeretis districtius co- hibere. Ceterum audivimus et audientes nequivimus1 non mirari, quod eos quidam vestrum durius solito persequentes non solum querelas eorum dissi- mulant, sed ipsos gravibus iniuriis vexaverunt et in dampnabili proposito adhuc perseverant, litteras nostras generales et quandoque speciales legere con- tempnentes, quas si interdum legerint vilipendunt. Unde clerici et laici su- mentes audaciam adversus eos securius3 insolescunt, elemosinas et beneficia subtrahunt consueta; invasores quoque bonorum ipsorum fratrum non arguunt, sed in familiaritate sua3 recipiunt, fratres ipsos intolerabiliter4 deprimentes, quos pro sue religionis honestate deberent attencius confovere6. Unde, quo- niam gravamen eorum tanto minus volumus in paciencia sustinere, quanto gravius iusto dei iudicio permittente iugiter ipsos inimici6 christiani nominis persequuntur, universitati vestre per apostolica scripta mandamus et in obe- diencie virtute precipimus, quatinus litteras, quas pro eis dirigimus, sive ge- nerales fuerint sive7 eciam speciales, recipiatis humiliter et fideliter exponatis, subiectos vestros ad elemosinas et beneficia solita sollicitis" monitis et exhor- tacionibus diligencius9 inducentes10, fratres autem benigne recipiatis et honeste tractetis attencius provisuri, ut de parrochianis vestris vel de subditis aliis, si querelam detulerint, ipsos ad exhibendam iusticiam omni gracia et timore postpositis canonica severitate cogatis, ita quod fratres ipsi ex negligencia vestra ad sedem apostolicam non laborent"; scituri quod, si precepto nostro presumpseritis contraire, in vos sicut inobedientes animadvertere severius con- pellemur. Datum Laterani ii kal. februarii pontificatus nostri anno vii.

Sine dato: 1,75; II, 113 n. 74; A. 20 n. 72 Latine et Germanice cum nota: In Traiecto inferiori (czu Utrecht); D. 74 Germanice. — Cum dato: A. 16 p. 107 „Traiecti". 1. nequi- mus I. 2. severius I, A. 16. 3. s. f. II. A. 20. 4. inviolabilitcr I. 5. sustentare II, A. 20. 6. inimicos A. 20. 7. seu II, A. 16. 8. e. solitas et b. sollicitis II, A. 20.

9. deest II, A. 20. 10. indulgentes I. 11. scituri usque compellemur decst A. 16. scituri usque ad finem deest I.