Alexander episcopus servus servorum dei dilectis filiis magistro et fra- tribus hospitalis sancte Marie Theutonicorum Ierosolimitani salutem et aposto- licam benedictionem. Operis evidentia declarante, quod vos ad hoc ferventer insistitis, ut cultum catholice fidei tam in orientis quam Pruscie et Livonie et in conterminis eis partibus ad dei gloriam amplietis, sedi apostolice delectabile redditur, ut vos gratiosi favoris affluentia prosequatur. Hinc est, quod nos vestris supplicationibus inclinati omnes terras, regiones, castra, villas seu oppida et quecunque loca, que vos adiuti subsidio exercitus christiani eripere poteritis de manibus paganorum, dummodo non pertineant ad aliquos christianos vel christiani ea non possederint a tempore, cuius memoria non existit, exnunc in ius et proprietatem beati Petri suscipimus et illa sub speciali protectione ac defensione apostolice sedis, postquam ad christianum cultum reducta fuerint, perpetuis temporibus permanere sancimus, ipsaque vobis et domui vestre cum

omni iure et proprietatibus suis ac decimis exinde proventuris concedimus in perpetuum libere possidenda, ita quod terre, castra, ville aut oppida et loca ipsa per vos aut quosrumque alios nullius unquam subiiciantur dominio potestatis. Volumus tamen, quod, postquam illa deo propitio a vobis fuerint acquisita et possessa pacifice, vos omnium ipsorum et predictarum etiam deci- marum certam partem ecclesiis earumque prelatis constituendis ibidem iuxta providentiam sedis apostolice teneamini assignare. Nulli ergo omnino liceat hanc paginam nostre protectionis et concessionis infringere vel ei ausn teme- rario contraire. Si quis autem hoc attemptare presumpserit, indignationem omnipotentis dei et beatorum Petri et Pauli apostolorum eius se noverit in- cursurum. Datum Anagnie viii kalendas februarii pontificatus nostri anno sexto.

Ex originali quondam Cracoviensis archivi ed. Dogicl Cod. dipl. Poloniae IV, 29 n. 33. In inventario archivi Cracoviensis p. 66 citatur: „Alexander IV tcrras per cruciferos subsidio christiani cxcrcitus acquisitas in ius et proprietatem s. Petri accipit, dummodo loca illa christianorum non fuerint nec ad aliquos christianos pertineant a tcmpore, cuius memoria nunc (!) exstat, ditionesque eiusmodi ordini donat. Anagniae 7 kal. februarii pontificatus anno 6'. E duobus transsumtis rtrchivi llegimontani de 1324 oct. 25 et 1393 maii 29 cd. in Livl. U. B. I, 441 n. 346. Privile- gium simillimi tenoris de locis in lluscia vel de Tartaris acquirendis magistro et fratribus h. s. M. Th. I. missa de eodem dato ex originali archivi Regimontani, ubi extant etiam transsumta de 1393 maii 29; Caspari» d. d. Riesenburgi 1445 nov. 20 et Iobi Pomesaniensium episcoporum d. d. Konigsbergi 1506 oct. 14, ed. Livl. U. B. I, 440 n. 345.