Eugenius episcopus servus servorum dei venerabili fratri episcopo Leo- diensi et dilectis filiis Herbipolensi ac sancti spiritus Heidelbergensis Worma- ciensis diocesium ecclesiarum decanis salutem et apostolicam benedictionem.

Dudum felicis recordacionis Martini pape V predecessoris nostri emana- runt littere tenoris subsequentis:

„Martinus etc. Paterne consideracionis etc. (supra n. 715). Datum Rome prope sanctos apostolos viii idus novembris pontificatus nostri anno duodecimo".

Cupientes igitur, ut premisse littere irrefragibiliter observentur, discre- cioni vestre per apostolica scripta mandamus, quatenus vos vel duo aut unus vestrum per vos vel alium seu alios litteras predecessoris huiusmodi ac omnia et singula in eis contenta, ubi et quando expedire videritis quociensve super hoc pro parte magistri et fratrum predictorum requisiti fueritis auctoritate nostra sollempniter publicantes dictisque magistro et fratribus super hiis opor- tune defensionis auxilio solercius assistentes non permittatis a quoquam, cuius- cumque eciam episcopalis dignitatis, status, gradus, ordinis vel condicionis

fuerint, litterarum predecessorum huiusmodi effectum quovis quesito colore ali- quatenus intercipi vel impediri aut eosdem magistrum et fratres vel illorum aliquem contra dictarum ipsius predecessoris litterarum continenciam sive for- mam quomodolibet vexari, impeti vel molestari, contradictores per censuram ecclesiasticam et quevis oportuna iuris remedia appellacione postposita, com- pescendo, invocato ad hoc, si opus fuerit, auxilio brachii secularis, non ob- stantibus pie memorie Bonifacii pape VIII eciam predecessoris nostri, quibus cavetur, ne quis extra suam civitatem vel diocesim nisi in certis exceptis ca- sibus et in illis ultra unam dietam a fine sue diocesis ad iudicium evocetur, seu ne iudices a sede apostolica deputati ultra civitatem et diocesim, in quibus deputati fuerint contra quoscumque procedere sive alii vel aliis vices suas committere aut aliquos ultra unam dietam a fine diocesium earundem trahere presumant, dummodo ultra duas dietas aliquis auctoritate presencium non tra- hatur et aliis apostolicis constitucionibus contrariis quibuscumque seu si ali- quibus communiter vel divisim ab eadem sede sit indultum, quod interdici, suspendi vel excommunicari aut extra vel ultra certa loca ad iudicium evo- cari uon possint per litteras apostolicas non facientes plenam et expressam ac de verbo ad verbum de indulto huiusmodi mencionem. Datum Rome apud sanctum Petrum anno incarnacionis dominice millesimo quadringentesimo trice- simo primo xii kalendas marcii pontificatus nostri anno primo.

IV, 257. Exstat in archivo Regimontano exemplar earundem litterarum, quibus n. 712 de 1423 mart. 4 praecedunt. Hac litterae transsumtae sunt d. d. Florentie in ambitu monasterii b. Mariae Novellae 1434 iulii 9, auctoritate Bartholomei de Bonitis, D. D., cubicularii papae audi- toris generalis locum tenentis, sub sigillo curiae apostolicae.